1. Campaña de recollida de xoguetes: Recolleremos xoguetes para o centro de Recursos Solidarios de Narón, desde o luns 4 de decembro ata o martes 19 de decembro.

2. O Equipo de Educación Viaria do Concello de Narón realiza dúas campañas navideñas:

 2.1. "Decora o teu patinete e a bicicleta de nadal!" - Desde o 1 ata o 20 de decembro de 2023. Poderán participar todos aqueles escolares de Narón. Para participar con dereito a agasallo deberase enviar unha foto na entrada do colexio da nena ou neno en bici, patín ou correpasillos decorados de nadal, indicando no correo a seguridadevial@naron.gal o nome e apelidos, nome do centro escolar e curso, así como se é posible que ten consentimento para saír en redes sociais (indicación expresa do pai/nai ou tutor/a do menor).

 2.2. "A túa vella bici vale un sorriso" - Desde 1 de decembro de 2023 ata 4 de xaneiro de 2024. A entrega de bici ou patinete por doazón para outros nenos e nenas sen posibilidades poderase realizar no centro escolar (o centro de recursos solidarios porase en contacto co centro para a recollida antes do día 21/12/2023) tamén podera entregarse no Concello de Narón - Educación Viaria en horario de maña de 08 a 14 horas ou no centro de recursos solidarios de Narón no Polígono da Gándara.

MOITAS GRAZAS POLA VOSA COLABORACIÓN.¡FELICES FESTAS!

O Equipo de Educación Viaria do Concello de Narón infórmanos que está a participar estes días na semana europea da mobilidade. O venres 22 vai celebrar o "Día sen coches" cortando o tráfico na Avda. Cataluña (diante de Odeón), levando a cabo durante todo o día moitas actividades, pola mañá para os colexios, asistirá 4º de primaria da Solaina,  e pola tarde haberá actividades deportivas, culturais e concertos ao longo de toda a rúa, podendo participar as familias.

Alumnado dos colexios naroneses Ponte de Xuvia, Jorge Juan, O Feal, o CRA, A Gándara Santiago Apóstolo, Virxe do Mar, Ayala, A Solaina, Piñeiros, e do IES As Telleiras, ademais do centro de ensino Maciñeira, de Neda, subíronse ás súas bicicletas pasadas as 10.00 horas para realizar un percorrido pola zona urbana e, en grupos, dirixirse cara ao paseo de Xuvia.

Os escolares, de terceiro a sexto curso de Primaria e de primeiro da ESO, reagrupáronse no aparcadoiro do Pazo da Cultura e na rotonda de Freixeiro, para dirixirse xuntos a Xuvia, accedendo ao paseo pola rúa Xoán XXIII. No percorrido estiveron acompañados por unha ampla representación dos pais e nais dos escolares, integrantes das Anpas, mestres e mestras dos centros, e persoal do Moto Club Fojeteiros, do ximnasio Beny Gym, do club ciclista de Narón Clásicos BikeWorks. Persoal do Speis de Narón e axentes da Policía Local acompañaron tamén aos participantes nesta XV Marcha Ciclista Escolar.

Os escolares gozaron un ano máis dunha xornada programada co fin de promover o deporte e a vida saudable entre os menores, ao tempo que poñer en práctica todos os seus coñecementos en materia de seguridade viaria. Tras descansar un pouco e repoñer forzas, cun boliño e auga, puideron ver en Xuvia unha exhibición de calistenia, para, sobre as 12.45 horas, recoller de novo as súas bicicletas para dirixirse nelas de regreso aos seus respectivos centros escolares.

A alcaldesa da cidade, Marián Ferreiro, presidiu este mércores unha sesión extraordinaria do Consello de Participación Infantil do Concello no que participou alumnado dos centros de ensino Ayala, A Gándara, Jorge Juan, Piñeiros, Ponte de Xuvia, A Solaina e Virxe do Mar.

En representación do Consistorio estiveron tamén presentes na convocatoria o edil de Seguridade Cidadá, Román Romero, os responsables do equipo de Educación Viaria de Narón, Pedro Caneiro e Sonia López, e o secretario xeral do Concello, Alfonso de Prado.

As alumnas e alumnos de sexto de Primaria dos diferentes centros presentaron á alcaldesa unha serie de propostas para levar a cabo na cidade. As comunicacións por autobús e tren na cidade, as zonas de estacionamento, a participación do profesorado e o resto de persoal dos centros nos Camiños Escolares Seguros, así como a instalación de puntos de control ao longo do camiño para acceder a máis premios, o aumento de pegadas por realizar novas accións no programa, a colocación de sinalización en linguaxe braille nos colectores de lixo, a instalación de xogos nos semáforos, a colocación de carteis advertindo da obrigatoriedade de que os donos de mascotas recollan os seus excrementos na rúa, a colocación de fontes de usos múltiples e a creación dunha canción rap sobre o Camiño Escolar formaron parte das propostas plantexadas.

As alumnas e alumnos defenderon cada unha destas propostas e intercambiaron opinións coa rexedora local, que os felicitou “polo excelente traballo que realizastes ata chegar a este pleno, presentándonos unhas propostas que son moi interesantes e que están moi ben artelladas e defendidas pola vosa parte”.

A alcaldesa respostou a cada unha das iniciativas que, acompañadas dunha presentación e incluso de maquetas ou de orzamentos sobre o custe das mesmas, expuxo o alumnado, indicando cales das propostas eran máis viables e se poderían executar, comprometéndose a colaborar na medida do posible.

Ao remate do pleno, os escolares recibiron un certificado por colexio en agradecemento á súa participación neste Consello de Participación Infantil.

O Equipo de Educación Vial do Concello de Narón realiza dúas campañas navideñas:

 1. "Viste o teu patinete e a túa bici de nadal!" - Desde o 1 ata o 20 de decembro de 2022: BASES.

 !NORABOA AOS PREMIADOS¡:Brais Otero Chao, Erik Prieto del Río,Nadia Suárez Blanco,Noel López Regueiro e Lucía Otero Chao.

2. "A túa vella bici vale un sorriso" - Desde 1 de decembro de 2022 ata 4 de xaneiro de 2023.

Máis info.

MOITAS GRAZAS POLA VOSA COLABORACIÓN.¡FELICES FESTAS!

 O Concello de Narón convoca ao alumnado de 3º, 4º, 5º e 6º cursos de primaria, así como ÁS SÚAS FAMILIAS, a participar na XIV Marcha Ciclista Escolar do Concello de Narón o vindeiro venres, 17 de xuño de 2022.

O noso grupo partirá ao redor das 10:30 horas, desde o recinto do CEIP A SOLAINA, recollendo en cada colexio ao resto de ciclistas do seu grupo. Será imprescindible, para a participación neste evento, que os nenos e as nenas traian a súa bicicleta e casco homologado para a realización da marcha. A policía local xunto con protección civil, o moto club e un grupo ciclista de Narón acompañarannos durante todo o percorrido ata chegar ao paseo de Xuvia onde se repartirán bocatas e bebidas.

Por último, temos que recordar que o regreso farase de maneira inversa á ida, deixando ao alumnado en cada colexio antes das 14:00 horas. Todos os familiares están convidados a participar nesta actividade coas súas bicicletas e cascos.

Moitas grazas pola vosa colaboración.

FINAL DAS III OLIMPÍADAS DE SEGURIDADE VIARIA CONCELLO DE NARÓN 2021.

Esta mañá tivo lugar no Pazo da cultura de Narón a fase final das Olimpíadas de Seguridade Viaria para @s alumn@s de 5º de primaria dos colexios de Narón.

Participamos nas olimpíadas cun equipo de alumn@s de 5º curso que representou ao colexio da Solaina na fase final xunto a outros oito equipos dos demais coles.

Nesta fase o equipo tivo que responder a un cuestionario de 30 preguntas sobre os temas de educación viaria, medio ambiente, matemáticas, inglés e igualdade, que previamente tiveron que estudar nas aulas. Con anterioridade, outro alumno e unha alumna de 5º tiveron que realizar unha xincana ciclista de 9 probas no patio do colexio.

O equipo que representou ao colexio nas Olimpíadas este ano estivo formado por : Lara Bey, Izan Galdo, Andrea Casal, Lucas López, Álvaro Casal e Julia Galdo para a fase do Cuestionario e por Irene López e Rubén E. López para a fase da Xincana.

NORABOA A TOD@S POLA SÚA PARTICIPACIÓN.

Como en anos anteriores, comeza o proxecto do Concello de Narón de recollida de bicis, patinetes e bicis estáticas "A túa vella bici vale un sorriso". As familias interesadas en realizar unha doazón ou en recibir unha bici ou patinete por falta de recursos, poderán facelo nas dependencias do Equipo de Educación Viaria do Concello de Narón ou entregalos no colexio ata o último día de clase deste trimestre.

Do 1 ata o 21 de decembro o Concello de Narón desenvolve a campaña "Decora o teu patinete ou bici de Nadal". Pode participar libremente o alumnado que estea interesado.

Bases.

O pasado xoves 25 de novembro @s alumn@s de 5º de Primaria celebraron a xornada pola Igualdade e contra a violencia de xénero,dentro das actividades das Olimpíadas escolares organizadas polo concello de Narón.

A actividade consisteu na resolución do panel ¿Quién es ella? no que debían buscar o nome e a foto de 24 persoeiras coñecidas, mediante unha serie de pistas sobre a súa biografía.

Ao mesmo tempo, ían pedaleando por quendas sobre a bici estática seguindo na pantalla as imaxes do percorrido virtual que os levou por tódolos colexios de Narón.