O noso lema hoxe e sempre é Trepar pola diversidade para alcanzar a diversidade.

Esta semana os biblioaxudantes estiveron exercendo de contancontos nas clases de Infantil e 1º e 2º. Entre os contos elixidos estaban Non fai falta a voz.

Durante esta semana, aproveitando a celebración do día da música, convertémonos en distintas profesións relacionadas coa música. Comezando por musicólogos e musicólogas e pasando por profes de música, bailaríns, instrumentistas, compositores e ata periodistas musicais. E que mellor forma de coñecelas que meterse na súa pel!

Compartimos tamén o novo programa de RADIO ANTOLÍN que gravaron os nosos periodistas musicais sobre "The Beatles".

Para celebrar o Samaín e o Magosto tivemos un día repleto de actividades. 

Comezamos o día recibindo un recorte de periódico no que Antolín nos pedía axuda. Tivemos que superar unha serie de probas para salvar o Mundo.

Despois celebramos o magosto. E rematamos a tarde con xogos dirixidos polo alumnado de 6º.

Deixámosvos un resumo coas fotos da xornada.

Estas últimas semanas realizamos varias saídas didácticas dentro do programa da Deputación de Lugo "Da escola á granxa". Visitamos a Gandería Quintián, Caurelor e Champivil. En cada unha destas saídas explicáronnos ou seu traballo e deixáronnos degustar os seus productos.

 O día 16 de Outubro celebramos o día das Escritoras, e o alumnado achegouse a Radio Antolín para gravar varios programas especiais sobre grandes escritoras Galegas.

O alumnado de Infantil preparou un rico pastel de pataca. No seguinte vídeo cóntannos como o prepararon.

Esta mañá o alumnado de 3º,4º,5º e 6º, dentro das actividades do Plan Director, asistiu a Sarria a unha exhibición da Garda Civil. Coñeceron o traballo das distintas unidades: montaña, acuática, tráfico, investigación, drones, atención ao peregrino, helicóptero…