Aceptamos o reto de Antolín de facer marcapáxinas coa axuda da máquina de coser. Recortamos o feltro e coa axuda das profes puxémonos diante da máquina para aprender como facelos. Despois rematamos de decoralos!

E unha vez que lle axudamos a Antolín a crear o seu libro de receitas.....pois tocou poñerse mans á obra!

Hoxe tivemos unha xornada de convivencia con COGAMI Lugo. Achegáronse ata o centro e déronnos a coñecer o seu labor e participamos con eles en varios obradoiros. Foi unha xornada moi enriquecedora! Moitas grazas pola vosa visita!

Hoxe abrimos as portas da biblioteca a Maite, a mamá de Leo que nos veu a falar do seu traballo. Recalcou a importancia de coidar os nosos bosques para que non ardan e que posibilidades hai para facelo. Tamén nos explicou como saber a idade dunha árbore e se esta estivo exposta a algún incendio ou a seca. Outra cousa que nos contou foi todo o que ofrece o bosque e como combinando o pastoreo e a plantación de plantas ornamentais ou medicinais pode revalorizarse o terreo. 

Que interesante todo o que compartiu co alumnado de 6º! Cantas cousas interesantes aprendemos. Moitas grazas por colaborar coa Biblioteca de Antolín e pola túa paciencia para contestar as preguntas que lles surxiron despois da túa presentación!

 Coñecendo grandes mulleres galegas conmemoramos o día 8 de Marzo en Radio Antolín.

A clase de 3º gravou un pequeno programa de radio onde nos contan quen é Lucía Freitas.

  A clase de 1º e 2º coa axuda dos biblioaxudantes de 6º gravou un pequeno programa de radio onde nos contan quen é Ana Peleteiro. 

Este ano saímos de viaxe para dar a volta ao mundo coa nosa compañía "Antolín Airlines". Subimos con Infantil a alfombra para chegar a Exipto, bailamos "Jai Ho" con 1º e 2º, collemos a góndola en Venecia con 3º, adentrámonos no corazón de África con 4º, voamos a Hawai con 5º e rematamos o noso "Voyage Voyage" particular en Francia con 6º.