SOLICITUDE COMEDOR ESCOLAR CURSO 23-24
Enviado por mctrasre o Mar, 04/07/2023 - 10:40As familias podedes presentar xa o modelo de autodeclaración do comedor.
PRAZO PARA FORMALIZAR A AUTODECLARACIÓN DE COMEDOR:
DO 4 AO 7 DE XULLO 2023 NO CENTRO E SEMPRE ANTES DO DÍA 1 DE SETEMBRO 2023 SE O MANDADES POR CORREO ELECTRÓNICO
HORARIO DE 10h a 13h
Tamén podedes mandala por correo electrónico ao centro ceip.antonio.fernandez.lopez@edu.xunta.gal
DÍA DA BICI
Hoxe vivimos unha xornada diferente. Tivemos a visita de STOP ACCIDENTES. O cole encheuse de bicis e patinetes para participar na actividade “Habilidades en bici”. Tamén asistiron en Infantil a un contacontos e o alumnado de 1º e 2º a un Obradoiro de Educación Vial. Que ben o pasaron tod@s!!
OBRADOIRO ÁNGELES ALVARIÑO
Fondo solidario de libros de texto e axudas para adquirir libros de texto e material escolar
Convocatoria de fondo solidario de libros de texto e axudas para adquirir libros de texto e material escolar destinadas ao alumnado matriculado en Educación Primaria, ESO e Educación Especial para o curso escolar 2023/2024.
Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:
a) Fondo solidario de libros de texto do alumnado matriculado en 3º, 4º, 5º e 6º de educación primaria (EP), e en 1º, 2º, 3º e 4º de ensinanza secundaria obrigatoria (ESO).
b) Axudas para adquirir libros de texto destinadas ao alumnado matriculado en 1º e 2º de EP, e en educación especial (EE), así como as axudas que pode recibir o alumnado incluído na disposición adicional primeira da orde.
c) Axudas para material escolar destinadas ao alumnado matriculado en EP, ESO e EE.
As solicitudes presentaranse prefereiblemente por vía electrónica a través do formulario normalizado (ED330B-anexos I e II) accesible desde a sede electrónica da Xunta de Galicia. https://sede.xunta.gal
Opcionalmente poderase presentar as solicitudes presencialmente nos centros escolares.
- O prazo para presentar solicitudes rematará o día 21 de xuño de 2023 (este incluído).
VISITA AOS BOMBEIROS
O alumnado de Infantil, 1º e 2º desprazouse ata o parque dos Bombeiros de Sarria para coñecer o seu traballo. Alí ensináronlle a roupa do seu uniforme, o camión de Bombeiros, o camión grúa, como fan excarcelacións...
Mil grazas por toda a vosa paciencia! O alumnado quedou encantado con todo o que lles ensinastes!!
FRIDA KHALO E KARLA GERARD NA CLASE DE ART
Os nosos artistas de 5º e 6º demostraron toda a súa arte cun retrato de Frida Khalo e varias das obras de Karla Gerard.
DÍA DANZA
Este ano celebramos o día da Danza a ritmo da Tarantela, o Corridinho, o Vals, o Morris Dance, a Polca e o Sirtaki.
VISITA COGAMI
Hoxe tivemos unha xornada de convivencia con COGAMI Lugo. Achegáronse ata o centro e déronnos a coñecer o seu labor e participamos con eles en varios obradoiros. Foi unha xornada moi enriquecedora! Moitas grazas pola vosa visita!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »