Skip to Content

Abalar

Consellería de Educación

Blogues

Os alumnos de 2º despiden o curso en Marcelle

  Os alumnos e alumnas de 2º de primaria con Antonio, Jesús, Luis, Pura e Katy, pasaron un fantástico día de excursión de fin de curso visitando o Centro de Natureza de Marcelle. A visita, guiada polos monitores do parque pretende, ademáis de pasar un día divertido, sensibilizalos e motivalos a coidar e conservar a biodiversidade.

   No PDF adxunto está o mapa do recorrido polo parque e premendo nesta imaxe (da súa páxina) tedes as fichas dos animais que viron.

Unha homenaxe en pedra a Antonio Fraguas

 O alumnado do Ceip A Maía participou xunto cos outros colexios do Concello de Ames nesta actividade proposta polos Equipos de Normalización Lingüística: unha homenaxe en pedra a Antonio Fraguas  no Día das Letras Galegas. Escribimos anacos da súa obra en laxas que serán colocadas nos parques de Bertamiráns...

Premer na imaxe para poder ver as laxas.

Axudas para libros e material e Fondo solidario de libros

Fondo solidario de libros de texto e axudas para a adquisición de libros de textos e material escolar destinadas ao alumnado matriculado en Educación primaria, secundaria e educación especial, para o curso escolar 2019/2020 (DOG 20 de maio 2019)

 

1.- FONDO SOLIDARIO DE LIBROS DE TEXTO:  

Destinatarios:Alumnado que curse 3º e 4º de educación primaria (curso 2019-2020).

2.-AXUDAS PARA ADQUIRIR LIBROS DE TEXTO: 

Destinatarios: Alumnado de 1º e 2º curso de educación primaria (curso 2019-2020)

3.-AXUDAS PARA ADQUIRIR MATERIAL ESCOLAR:

Destinatarios: Todo o alumnado matriculado en Educación primaria. (curso 2019-2020), con renda per cápita familiar igual ou inferior a 5.400 €: 50 €

 

PRAZO DE SOLICITUDE:

Dende o  21 de maio e rematará o día 21 de xuño de 2019 (este incluído).

 

SOLICITUDES:

Modelo solicitude

As solicitudes presentaránse presencialmente no centro docente utilizando o formulario (anexo I) dispoñible en: https://sede.xunta.gal  ou http://www.edu.xunta.es  tamén estará a disposición dos interesados no centro docente.

Xunto coa solicitude (anexo I) deberá presentarse:

a) Anexo II (comprobación de datos dos membros computables da unidade familiar)

b) Copia do libro de familia onde figuren todos os membros computables. Nos casos en que non teñan libro de familia ou este non reflicta a situación en 31 de decembro de 2017, poderán acreditar o número de membros utilizando os seguintes medios:

1º Sentenza xudicial de separación ou divorcio ou, de ser o caso, convenio regulador onde conste a atribución da custodia do/da menor.

2º Certificado ou volante de convivencia.

3º Informe dos servizos sociais ou do órgano equivalente do concello onde resida a familia.

c) Certificado do grao de discapacidade de calquera membro da familia recoñecido por un órgano que non pertenza á Xunta de Galicia.

d) Documentación xustificativa da situación de violencia de xénero.

e) A incapacitación xudicial con patria potestade prorrogada ou rehabilitada acreditarase coa correspondente resolución xudicial.

f) Resolución administrativa ou xudicial acreditatita da situación de acollemento ou do certificado do centro de menores, para o alumnado en situación de tutela ou garda da Xunta de Galicia.

g) Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nei ou titor ou titores carezan de DNI e NIE.

* De tódala documentación que se presente deberán achegar fotocopias e os respectivos orixinais para verificar a súa autenticidade.

(Para máis información, consulte o DOG).

 

O maio

Os pequenos de 3 anos achegáronse á tradición dos maios e fixeron este de papel. Ver todo o artigo no blog de 4º A de infantil.

Etnografía en Ames

Con motivo do Día das Letras Galegas e co fín de homenaxear a Antón Fraguas e a súa faceta máis etnográfica, poñemos a disposición das familias os seguintes enlaces de interese do Concello de Ames.

Convidamos a todas as familias a facer algún dos roteiros e despois enviarnos as fotos o correo do centro (ceip.a.maia@edu.xunta.gal ) para a realización dunha exposición fotográfica nos corredores do Centro.

Moitas grazas pola vosa colaboración!

 

Arquitectura popular

http://www.concellodeames.gal/areas_turismo_e_patrimonio_arquitectura_popular.php?idioma=gl

 Arquitectura civil

http://www.concellodeames.gal/areas_turismo_e_patrimonio_arquitectura_civil.php?idioma=gl

Arquitectura relixiosa

http://www.concellodeames.gal/areas_turismo_e_patrimonio_arquitectura_relixiosa.php?idioma=gl

Folletos do Concello:

 Mapa interactivo:

 http://www.concellodeames.gal/index_mapa.php

Maquetas dos alumnos de 3º para o ciclo da auga

  Os alumnos e alumnas de 3º realizaron estos DIORAMAS DE CAIXA  que representan o CICLO DA AUGA cos procesos de vaporización, condensación e precipitación. Un traballo  que mostra que a cantidade de auga da que dispoñemos no planeta é limitada e sempre é a mesma. Por tanto é un recurso que compre coidar e respetar!

ADMISIÓN 2019_20: LISTAXES DEFINITIVAS

Todo o alumnado que presentou a solicitude de admisión neste centro resultou admitido.

 Para as nais e pais do alumnado de 3 anos (4º de educación infantil) haberá unha reunión informativa o luns 3 de xuño ás 16:30h., na sala de psicomotricidade de educación infantil.

Lembren que deberán formalizar a matrícula do 20 ao 30 de  xuño na secretaría do centro.

 

Bertamiráns, 14 de maio de 2019

Os alumnos de 1º visitan Fervenza do Toxa

 Os nenos e nenas de 1º fixeron unha saída de fin de curso á granxa escola da Fervenza do Toxa en Reboreda, Silleda. Coñeceron as características e coidados dos animais e interactuaron con eles, traballaron na horta ecolóxica e participaron no taller de pan. Pasárono en grande na visita. Nestas imaxes podedes comprobalo!

Sofía Oriana Infante: unha compositora no colexio!

"Neste curso no colexio temos a sorte de ter  a unha compañeira facendo unha substitución na materia de música: Sofía Oriana Infante. Nunha conversa sobre música  e a materia  que ela vai impartir, coméntame que ademais de mestra especialista en Educación Musical é tamén compositora. Recentemente compuxo a banda sonora da película Elisa y Marcela de Isabel Coixet, entre outros  traballos.

Propóñolle entón que lles dé unha charla aos alumnos e alumnas de 6º curso. Inmediatamente Sofía acepta e a organizamos antes de que remate a súa substitución. Non é unha oportunidade que xurda todos os días e non queremos desaproveitala. Os nenos e nenas  coñecen e teñen referencia de compositores e de mulleres músicas, pero non de compositoras e nos pareceu  unha excelente oportunidade de que coñeceran esta profesiónda man dunha compositora de actualidade.

 Durante a interesante charla que Sofía ofreceu aos nenos e nenas de 6º,  faloulles sobre os anos de estudos e de formación que esixe chegar a ser compositora e animounos a perseguir e persistir para conseguir os seus sonos. Tamén lles explicou como algúns  compositores/as non dispoñen dunha orquestra cando están a compoñer, senón que utilizan, previo pago, as “bibliotecas de sons”.  Os nenos/as comprobaron a través de exemplos prácticos que ela puxo, como a música nos transmite moita información e por iso é fundamental nunha película. Amosoulles un dos seus traballos e lles fixo reflexionar  finalmente, sobre a importancia de estudar, coñecer e prepararse para poder diferenciar e seleccionar, a boa música.

 Os nenos e nenas, que amosaron moito interese polo tema, ao final poideron facerlle preguntas a Sofía. Algunhas delas foron, por certo moi interesantes: que sentiches cando te escolleron para facer a banda sonora desa película? ou, se poideras escorller compoñer unha banda sonora, para que director a farías?

  Como vedes a charla resultou tremendamente proveitosa como xa esperábamos e desde aquí queremos darlle a Sofía as grazas unha vez máis".

Ligazóns:  

www.sofiainfante.wixsite.com/composer                                          

https://www.google.com/search?client=firefox-b-d&q=sofia+oriana+infante+souto

 https://www.lavozdegalicia.es/noticia/ferrol/ferrol/2018/06/06/xan-viano-componer-coixetferrolana-referentes/0003_201806F6C12993.htm

 

LIBROS Á SOLTA

Prezadas/os nais, pais, familias:

Con motivo do Día do libro, dende o EDLG queremos  propoñer unha actividade inspirada no movemento " BookCrossing" e que nós  denominaremos  "Libros á solta".


A nosa proposta vai destinada ao alumnado de 5º e 6º e é de carácter voluntario. Consiste nun intercambio de libros nuns puntos quentes debidamente identificados no exterior e no interior do centro. Dito intercambio terá lugar na hora de ler e levarase a cabo durante o mes de maio.

Cada alumno e alumna que queira participar, deberá traer un libro da súa casa, usado pero en bo estado, lembrade que este libro non se recuperará, pero sí poderán quedar con outro dos depositados en calquera dos puntos de solta.


 


Grazas pola vosa colaboración.

Equipo de Dinamización de Lingua Galega

Distribuir contido


Usuarios conectados

Agora mesmo hai 0 usuarios e 4 invitados conectados.

by Dr. Radut