Blogues

Esta semana o alumnado do noso centro levou a cabo actividades en relación coa celebración do Día do Libro.

O alumnado de 2º B levou a cabo unha actividade de poesía.

Unha delas foi un obradoiro de marcapáxinas e a outra podédela ver nas entradas do centro.

Felíz día do libro.

Hoxe participamos no TROCALIBROS. Agradecer a toda a comunidade educativa do noso centro a participación nesta actividade no día do LIBRO. 

Grazas pola xenerosidade de aportar  libros  que xa non lemos e posibilitar que teñan unha segunda vida, por formar parte dunha actividade na que involucramos a profesorado, familias e alumnado. 

O domingo 23 no Pazo da Cultura de Pontevedra entre as 11 e as 14 horas terá lugar unha nova edición do TROCALIBROS.

Nesta xornada coordinada polo IES Torrente Ballester na que colabora centros educativos e ANPAS de toda a contorna teremos a oportunidade de darlle unha segunda vida a eses libros que temos na casa e que aínda que están en moi bo estado xa non imos volver a ler. 

A partir de mañá poderedes traer estes libros ao centro e a cambio recibirides un vale co que o domingo 23 teredes a ocasión de cambialo polo libro que desexedes, de entre os donados por alumnado doutros centros ou do noso.

Lembrade que os libros que traiades deben estar en bo estado. Tampouco podedes traer enciclopedias ou dicionarios enciclopedicos.

Anímovos a participar nesta iniciativa para dar unha segunda vida a libros, ademáis de reutilizar e reducir o consumo. Dúas das tres R (reducir, reutilizar e reciclar) coas que estamos comprometidos.