NOTA: co vale de gratuidade de libros de texto, os alumnos/as de 4º e 6º de primaria, non poderán aquirir libros distintos ao curso no que estén matriculados no 2015/2016, xa que ao final do curso terán a obriga de devolvelos ao centro para formar parte do banco de libros, que xa existe cos libros que adquiriron co vale neste curso 2014/2015 os alumnos de 3º e 5º, que devolveron ao centro e que servirá para prestalos aos que os soliciten ou podan solicitalos en función da renda per capita dos ingresos da unidade familiar. Estes libros deberán estar vixentes durante 6 cursos académicos. Os alumnos/as de 1º e 2º de Primaria non teñen obriga de devolvelos porque non se poden reutilizar.
Artigo 2. Fondo solidario de libros de texto
Todos os centros docentes sostidos con fondos públicos deberán dispoñer dun fondo solidario de libros de texto, que estará integrado por:
1. Todos os libros de texto e/ou material reutilizable adquirido coas axudas do curso 2014/15, que o alumnado beneficiario está obrigado a devolver de acordo co artigo 14.d) da Orde do 28 de maio de 2014, pola que se convocaron as ditas axudas.
2. Os libros de texto e o material didáctico vixente e útil voluntariamente cedido ao fondo
Artigo 3. Devolución dos libros de texto adquiridos con cargo ás axudas do curso 2014/15
1. O alumnado deberá devolver os libros de texto adquiridos con cargo ás axudas do curso 2014/15 unha vez feitos os exames, e como máximo, o 19 de xuño de 2015
2. A falta de devolución dos libros de texto será causa de exclusión da participación no fondo solidario.
O prazo de presentación de solicitudes iníciase o día seguinte ao da publicación desta orde no Diario Oficial de Galicia e remata o 30 de xuño de 2015.
Artigo 7. Asignación dos libros
1. O centro asignará o uso dos libros de texto dispoñibles por orde inversa á renda per cápita da unidade familiar. Non obstante, o alumnado que estea en tutela ou garda da Xunta de Galicia e o que teña discapacidade igual ou superior ao 65 % terá preferencia para a adxudicación dos libros de texto.
Clica para ver máis información: obxecto da convocatoria e principais novidades.
Requisitos:
Clica para ver : obxecto da convocatoria, requisitos,...