Na semana do 19 ao 23 de abril levamos a cabo unha serie de actividades no centro para conmemorar o día do libro. O resultado final de todas elas pode verse na seguinte imaxe, onde os diferentes cursos fixeron unha composición de cada un dos libros traballados na aula ao longo da semana. 

A semana do 19 ao 23 de abril, realizamos actividades para conmemorar o Día do Libro. O eixe principal das actividades foron libros en galego, a partires dos cales realizáronse actividades diversas. 

- En Educación Infantil, a mestra Elena fixo de contacontos na biblioteca do centro, escenificando para todos os nenos e nenas desta etapa, o conto de "A mosca chosca".

- O alumnado de Educación Primaria, escolleu un conto en cada grupo, que leron durante a semana, e a partir do mesmo, elaboraron unha pequena composición plástica empregando a técnica do "knolling", contando a súa historia, a través de obxectos seleccionados que foron aportando. Así mesmo, o propio día 23, cada clase fixo un xogo interactivo acerca do seu conto, empregando os ordenadores e tablets do centro. 

Para non perder detalle desta celebración, estade atentos as próximas publicacións!! Non perdades detalle.

Continuamos a xogar cos robots no proxecto Digicraft. 

Nesta ocasión, os robots tiñan que recoller no circuito, algúns obxectos que foron perdendo no seu recorrido. Para elo, os nenos e nenas tiveron que programalos cunhas cartas de xogo e así poder chegar á meta. 

Os nenos e nenas de 4º e 6º fixeron os seus robots. Estes son de exploración, domésticos e aéreos, dependendo do que eles escolleron. 

Na próxima sesión programaranos para recoller obxectos nun circuito... 

Robots de 6º:

Robots de 4º: