Neste trimestre o centro estivo traballando nun programa denominado Observa_Acción que consiste na observación entre iguais. Aquí vos deixamos un pequeno resumo de en que consiste e tamén un vídeo no que facemos un breve repaso do proceso.

Aquí podedes acceder ao vídeo.

E aquí tendes a imaxe.

Xa está dispoñible o caranvexornal do noso cole! Podedes velo no CaranvexoTV.

Como xa sabedes comezou xa o proceso de admisión de alumnado. Ata o 4 de febreiro co proceso de reserva de praza, pero poñemos aquí o resto de datas de interese:

• A publicación da listaxe do alumnado con reserva de praza sen fase de baremo deberá facerse antes do 22 de febreiro. de non haber prazas para todas as reserva abrirase un prazo de 10 días hábiles para entregar documentación para o baremo.
• Ata o 28 de febreiro pode presentarse a renuncia á praza reservada.
• Antes do 1 de marzo publicación de postos escolares vacantes.
• Do 1 ao 20 de marzo é o prazo para presentar solicitudes de admisión nos centros. Nesta solicitude poderán consignarse ata 6 centros comezando polo de maior prefernecia. Entregarase no centro solicitado en primeiro lugar. No caso de ter presentada unha solicitude e querer renunciar a ela haberá que indicalo no cadro correspondente  na nova solicitude entregada.
• Do 21 de marzo ao 3 de abril solicitarase, de ser o caso, a documentación para realizar o baremo.
• O 25 de abril deberá ser publicada a listaxe provisional de admitidos, despois haberá 5 días hábiles para a presentación de reclamacións  contados a partir do día seguinte á súa publicación e o 15 de maio a definitiva.
• Formalización de matrícula do 20 ao 30 de xuño. Primaria. Secundaria do 23 de xuño ao 7 de xullo.

Consulta aquí a normativa