AXUDAS PARA A DISTRIBUCIÓN DE MASCARILLAS

Dende hoxe, hai un prazo de 10 días para solicitar as axudas para a merca de mascarillas para o alumnado de Educación Primaria.

• Todos aqueles que xa sexan beneficiarios da Axuda de Material Escolar durante o presente curso non necesitan presentar ningún tipo de documentación.
• Aqueles que non sexan beneficiarios da Axuda de Material Escolar no curso 21-22, poderán solicitar esta axuda (mediante o Anexo axunto) no caso de que cumpran algunha das seguintes condicións:
• Que pertenza a unha familia cunha renda per cápita igual ou inferior a 6000€.
• Alumnado matriculado en educación especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.

Nota: Axúntase a solicitude en formato pdf.

O 14 de novembro celébrase o Día Mundial da Diabetes. Ao longo desta semana fixemos diferentes actividades para darlle visibilidade a esta enfermidade e hoxe elaboramos un pequeno video de apoio para os nosos dous heroes de capa azul.

ÁNIMO CAMPIÓNS!

Programación Cultural de Novembro do Concello de Boiro

O Concello de Boiro vén de publicar a súa programación cultural para o mes de novembro. Poden consultala premendo na imaxe ou na seguinte ligazón: Programación Novembro.

O proxecto de biblioteca deste curso augura vivenzas moi interesantes... A primeira foi a visita aos castros de Neixón e o seu pequeno museo!!!

Comezamos o alumnado de infantil, pero iremos todas as aulas. E seguro que todas aprenden moitísimo, coma nós!!!

Suxerímosvos visita en familia. Gozamos moito moitísimo e faltounos tempo!!!

Pica na fotogtrafía e verás un pequeno vídeo que resume a visita

Estamos moi contentos porque fomos premiados co Selo de Calidade Europeo polo proxecto de eTwinning LINGOTURE que levamos a cabo ao longo do curso pasado na área de inglés co alumnado de 4º e 6º de primaria.

Onte tivo lugar no noso centro a carreira solidaria en favor da Fundación Unoentreciemil que apoia a investigación sobre a leucemia infantil.

Moitas grazas pola vosa colaboración, entre todos recaudamos un total de 496,49€, axuntamos o xustificante do ingreso.

Deixámosvos un pequeno resumo a continuación.

  1º PISTA

ÚLTIMAS NOVAS!!!!!

Ola amig@s, acabamos de saber a localización da primeira pluma da gaivota Pita.

Que emoción!! Estamos moi ansios@s por saber que nos preparou nesta primeira aventura esta gaivota tan intrépida.

Ide coa vosa mestra/e ao mapa da entrada do cole, alí veredes a primeira pista do lugar que visitaremos. Será sensacional, aprenderemos moitas cousas!!

Pacto das alcaldías para o clima e a enerxía sustentable (PACES) do Concello de Boiro

O Concello de Boiro traballa na elaboración dun Plan de acción para o clima e a enerxía sustentable (PACES), unha acción que ten como obxectivo elaborar un documento final cunha serie de tarefas que permitan acadar uns obxectivos medioambientais e que sirva como folla de ruta contra o cambio climático dende o Concello.  

Para a elaboración deste documento é fundamental a participación cidadá e coñecer a opinión da veciñanza sobre determinados aspectos medioambientais. 

Podes responder a enquisa AQUI. 

O Pacto dos alcaldes para o clima e a enerxía sustentable é unha iniciativa europea para que os gobernos locais implanten no seu territorio compromisos en materia de clima e enerxía da Unión Europea. O Concello de Boiro adheriuse en 2019 co compromiso de reducir as emisións de CO2, aumentar a eficiencia enerxética ou aumentar o uso de enerxías renovables. 

Para levar a cabo este proxecto o Concello de Boiro conta co apoio da Consellería de Medio Ambiente, Territorio e Vivenda da Xunta de Galicia e tamén do Fondo Europeo de Desenvolvemento Rexional (Feder) da Unión Europea, xa que está subvencionado ao abeiro das axudas destinadas a entidades locais asinantes do Pacto dos alcaldes para o clima e a enerxía sustentable. 

Axudas de adquisición de material deportivo do Concello de Boiro

O Concello de Boiro vén de concedernos unha axuda para a adquisición de material deportivo que aproveitaremos para repoñer material deportivo estragado e adquirir algún material novo.

¡Moitas grazas ao Concello!

Un ano máis queremos colaborar coa fundación Unoentrecienmil a través dunha carreira solidaria que terá lugar o venres día 22 de outubro.

Pedimos a vosa colaboración para aportar 1€ por neno/a, ou a cantidade que consideredes, e así entre todos facer chegar a nosa axuda a esta investigación.

Podedes consultar máis detalles a continuación:

Moitas grazas pola vosa colaboración.

ASESORAMENTO TECNOLÓXICO DENDE O CEMIT DE BOIRO

Dende o CEMIT infórmannos que calquera usuario que necesite de asesoramento tecnolóxico (configuración dun dispositivo, dúbidas tecnolóxicas...) poden obter este asesoramento dende o CEMIT, sempre con cita previa. Ver cartaz de arriba.

Ademais, dende o Consello Escolar Municipal e dende o CEMIT informámoslles que estamos preparando un itinerario formativo, para inicios do vindeiro ano, para as familias no que poderán acceder a:

  Nivel 1: Uso básico do dispositivo (PC, Móvil ou Tablet) e de plataformas de comunicación: videoconverencias, Abalar móvil...

  Nivel 2: Coñecementos básicos de Aula Virtual e edixgal para poder guiar/supervisar o traballo dos fillos e fillas.

  Nivel 3: Solicitude e uso de certificados dixitais (ou dnie, chave 365...) e realización de trámites administrativos básicos online.

Para este itinerario, que poderá dispoñer de certa flexibilidade a adaptabilidade a diversos tipos de xornada de traballo, recibirán cumprida información cando esté a súa preparación finalizada.

CURSOS DO CEMIT DE BOIRO EN OUTUBRO

ACTIVIDADES CULTURAIS DE OUTUBRO

CONCELLO DE BOIRO