Novas

A semana pasada tivemos a oportunidade de coñecer da man de Entresignos as mochilas vibratorias. Estas rexistran as frecuencias das nosas cancións preferidas e as transforman en vibracións. Polo tanto, ao ter posta a mochila podemos percibilas en diferentes partes da espalda e peito, con varias intensidades.

Unha oportunidade para coñecer e sentir mellor o noso propio corpo.

O equipo SAAC elaborou un manual dirixido ao profesorado sobre o uso dos comunicadores, necesario polo aumento de alumnado con comunicadores e a crecente necesidade do profesorado por ter máis coñecemento sobre o emprego dos mesmos.

Documento moi necesario tanto para o profesorado con alumando que usa comunicador como os que non, xa que TODOS temos DEREITO A COMUNICARNOS E A SER ESCOITADOS, polo que é preciso adaptarnos a conversa e ao interlocutor co cal mantemos a conversa. Os alumnos/as que teñen comunicador teñen unhas formas de actuar e de interactuar distintas, a SÚA VOZ É DISTINTA, pero non por elo debemos de deixar de escoitalos.

Preme para imaxe 

Moitas Grazas a familia de Ruí, por compartir con todo o alumnado do noso centro este libro tan maravilloso de María Fumaça. Iker inspirouse nel para facer uns debuxos fantásticos.

Estamos en tempo de entroido e como todos os anos o Meco manda. 

Aquí van as ordes do Meco para a vindeira semana.

O luns comezamos.

Nos vos esquezades! Gracias por participar

Preme na imaxe para ver a que nos manda facer cada día.

A semana pasada o noso centro tivo a grandísima sorte de visibilizar e compartir parte do traballo feito no centro con mestres e mestras de Pedagoxía Terapéutica e Audición e Linguaxe nas III Xornadas de formación do Programa Acompaña celebradas en Santiago de Compostela, co obxectivo de ofrecerlles formación específica previa á súa incorporación ás aulas.

Concretamente nestas xornadas pretendeuse ofertar unha parte práctica enfocada na atención directa ao alumnado con Necesidades Específicas de Apoio Educativo.

O relato desenvolto polas mestras Aloia, Tania e Yara centrouse nos recursos TIC que se poden empregar co alumnado con Necesidades Educativas Especiais, falando específicamente sobre as plataformas, páxinas web, aplicacións e SAAC que empregamos co noso alumnado para favorecer un acceso inclusivo á educación.