Obxectivos do centro

O CEE María Mariño márcase os seguintes obxectivos:

O centro atende a alumnado con necesidades específicas de apoio educativo asociadas a discapacidade  intelectual ata os 21 anos.

 

NIVEIS E SERVIZOS EDUCATIVOS

  • Etapa de Atención Educativa Temperá:

O currículo desta etapa orientase a acadar un desenvolvemento integral e hármonico da persoa nos distintos planos físico, motor, emocional, afectivo, social e cognitivo, e a procurar as aprendizaxes que contribúen e fan posible o devandito desenvolvemento.

  • Etapa de Ensinanza Básica Obrigatoria:

Nesta etapa educativa os elementos que a condicionan están baseados no ritmo e estilo de maduración de cada neno no desenvolvemento e na aprendizaxe, por iso terase en conta sempre a súa afectividade, as súas características persoais, as súas necesidades, intereses e estilo cognitivo.

 

  • Etapa de Transición a Vida Adulta:

Nesta etapa será fundamental proporcionarlles aos nenos/as experiencias que faciliten a súa inserción no mundo laboral, sempre que sexa posible. A escola tratará de coordinarse con outras institucións, buscando a colaboración de outros profesionais.

 

  • Educación Física e Psicomotricidade e Educación Musical:

Cada aula ten dúas ou tres sesións de educación física e educación musical, dependendo das necesidades do seu alumnado.

 

  • Aulade Estimulación Multisensorial:

O material que se presenta nesta aula sirve de instrumento como medio relacional, como ferramenta de xogo, e como fonte de curiosidade, é dicir, a súa finalidade é espertar os seus sentidos creando un contorno rico en estímulos que permitan incrementar as súas habilidades e potencialidades, facilitando con iso o proceso de ensino aprendizaxe. Así se axudará ao noso alumnado a adquirir e adesenvolver habilidades motoras, cognoscitivas e socioafectivas, é dicir, potenciarase ao máximo o seu desenvolvemento.

columna de burbujas

  • Novas tecnoloxías da información e comunicación:

A maioría das aulas do centro, están dotados con Encerados Dixitais Interactivos, para traballar diversos contidos educativos. Ademais dispoñemos de varias tablets.

 

ACTIVIDADES INCLUSIVAS

O centro realiza diversas actividades que fomentan a inclusión do noso alumnado en outros centros educativos. Algunha desas actividades son:

  • Obradoiro de interculturalidade a través da danza:

Pretende fomentar a participación en tarefas colectivas, sendo conscientes da necesidade das aportacións individuais e da disciplina propia e doutros para posibilitar a danza común.

 
 
  • Obradoiro de teatro:

A través del preténdese: explorar a capacidade expresivamediante distintas linguaxes (oral, corporal,…) e aumentar a amplitude do seu contorno vital a o incluír nas súas rutinas as saídas para actuar ou ver representacións.

 

 

  • Obradoiro de gravado:

As características conceptuais e técnicas de gravado fano moi interesante dentro do ensino artístico. Co obradoiro proponse unha aprendizaxe práctica, encamiñada a desenvolver a creatividade ea experimentación dos alumnos/as.


mostra dun gravado

  • Proxecto Voz Natura:

Co proxecto “El jardín de los Sentidos”, propoñémonos configurar un contorno máis afable e cunha maior presenza da Natureza, ao mesmo tempoque compartimos co noso alumnado o pracer de xerar un novo mundo depercepcións e afáns.

 

  • Actividades extraescolares:

Son as que se levan a cabo en horario de 15 h. a 17 h. Parte do alumnado fai diversas actividades lúdico-formativas, coas educadoras, os obxectivos da súa intervención son, entre outros, favorecer a autonomía das persoas, desenvolver actividades cunha finalidade educativa, cultural e lúdica. E outro gurpo de alumnos/as que posúen un certo nivel de habilidades manipulativas e son capaces de acadar maiores niveis de independencia individual e social, realizan as súas tarefas en distintos obradoiros como alfombra, carpintería, ximnasia rítmica, pirogravado, pasta de papel, … .

Ademais, non podemos esquecernos das numerosas saídas, ao contorno máis próximo, que realizamos ao longo do curso escolar, cuio obxectivo é desenvolver diversas habilidades que faciliten a inclusión social do noso alumnado.

 

OBXECTIVOS

Con todo, os obxectivos xerais a nivel de centro de cara ao alumnado, materialízanse do seguinte xeito:

  1. O desenvolvemento das capacidades afectivas, cognitivas e sociais de todo o alumnado para conseguir a maior autonomía posible e lograr o seu propio desenvolvemento.
  2. Partir sempre da aceptación das diferenzas do alumnado e das súas posibilidades, dándolle na medida do posible o que real e especificamente necesite, empregando, sempre que sexa posible, os recursos ordinarios que favorezan o seu desenvolvemento.

  3. Adecuar os procesos de socialización as súas posibilidades, ritmos e características coa finalidade de adaptar a realidade do alumnado ao seu entorno.

  4. Presentar os obxectivos adaptados á realidade do alumnado e do seu entorno. Que sexan abertos e flexibles e que recollan unha ampla gama de situacións de aprendizaxe que faciliten a maior normalización e inclusión posible.

 

Distribuir contido