Nesta sección poderá acceder ás convocatorias que permitan deseñar e desenvolver proxectos encamiñados a promover unha cultura de paz e non violencia, nos que o principal obxectivo sexa que o alumnado adquira as capacidades básicas para previr e resolver pacificamente os conflitos e convivir en paz.

O Decreto 8/2015 dedica a sección 1ª do capitulo II, do título II o plan de convivencia, indicando que é o documento no que se articula a convivencia escolar e as liñas xerais do modelo de convivencia que se pretende implantar, os obxectivos específicos que cómpre alcanzar, as normas que a regulan e as actuacións que se deben realizar neste ámbito para a consecución dos obxectivos proxectados. En definitiva, é un proxecto de reflexión e pensamento en que se sinalan as liñas de actuación para a mellora da convi­vencia no centro docente.

Coordinará as actuacións relacionadas coa mellora da convivencia no ámbito da provincia. É o segundo nivel no que se organiza o Observatorio Galego da Convivencia Escolar.

• A Coruña
• Lugo
• Ourense
• Pontevedra

Quen o forma?
PRESIDENCIA: xefe/a territorial da Consellería de Educación.
VICEPRESIDENCIA: inspector/a  xefe/a do Servizo Provincial da Inspección Educativa.
TITULARES:

• Delegado/a territorial da Consellería de Presidencia, Administracións Públicas e Xustiza ou persoa en quen delegue.
• Xefe/a territorial da Consellería de Traballo e Benestar ou persoa en quen delegue.
• Xefe/a territorial da Consellería de Sanidade ou persoa en quen delegue.
• A persoa especialista en trastornos de conduta do Equipo de Orientación Específico da provincia.
• Un representante dos centros de formación e recursos da provincia.
• Un representante da Xunta Provincial de Directores/as.
• Un representante da Federación Galega de Municipios e Provincias.
• Un/ha funcionario/a designado pola Xefatura Provincial de Educación, que actuará como secretario/a, con voz e sen voto.

Cales son as súas funcións?

1. A elaboración dun informe semestral en que se recolla a análise da convivencia e conflitividade do ámbito da súa provincia, así como as iniciativas provinciais, que será trasladado ao Observatorio da Convivencia Escolar a nivel autonómico.
2. A coordinación de actuacións conxuntas das consellerías implicadas e relacionadas coa mellora da convivencia no ámbito da provincia.
3. Aqueloutras que lle sexan encomendadas pola Administración educativa ou polo Pleno do Observatorio Autonómico da Convivencia Escolar.

É o primeiro nivel no que se organiza o Observatorio Galego da Convivencia Escolar. Funcionará en pleno, en comisión permanente e poderanse crear mesas técnicas de traballo.

Quen o forma?

• 24 integrantes representativos dos diferentes sectores implicados (consellerías, clta inspección, Federación Galega de Municipios e Provincias, Xunta Autonómica de Directores/as de Centros Educativos, patronal dos centros privados concertados, asociacións de alumando, asociacións de pais e de nais, centrais sindicais, expertos/as...).
• Funcionará en pleno e en comisión.
• Posibilidade de creación de mesas técnicas cando sexan necesarias.
• Recibirá información dos observatorios provinciais e dos creados nos centros educativos.

Cales son as súas funcións?

• Avaliar a convivencia escolar.
• Propoñerlle iniciativas de mellora do clima escolar á Administración educativa e realizar o seguimento e a avaliación destas.
• Informar e asesorar as Administracións sobre aspectos normativos relacionados coa convivencia e coa súa mellora.
• Propoñer liñas de actuación na formación do profesorado.
• Asesorar a toda a comunidade educativa.

O Observatorio Galego da Convivencia Escolar é un órgano colexiado de carácter consultivo e de apoio a toda a comunidade educativa no que se refire á convivencia escolar, creado polo Decreto 85/2007, do 12 de abril, polo que se crea e se regula o Observatorio Galego da Convivencia Escolar.