Román Rodríguez dá a benvida ao Premio Nobel Klaus von Klitzing nun encontro científico sobre física

O conselleiro de Educación, Ciencia, Universidades e FP, Román Rodríguez, deu a benvida hoxe a Galicia ao Premio Nobel Klaus von Klitzing, físico e profesor universitario alemán que recibiu esta distinción polo descubrimento do efecto Hall cuantificado. Fíxoo durante o encontro científico Física para o coñecemento e tecnoloxía, que se celebrou no Instituto de Materiais (iMatus), no marco do Programa ConCiencia da Universidade de Santiago, que coordina Jorge Mira, catedrático de Electromagnetismo . Este programa de divulgación científica achega á capital galega a premios Nobel para reforzar o papel de Galicia no mundo científico.