BIBLIOTECAS ESCOLARES SOLIDARIAS - Convocatoria da concesión do Selo Biblioteca Escolar Solidaria e da selección de experiencias de Voluntariado de Primaria
Publícase a Resolución do 2 de abril de 2024 da Dirección Xeral de Ordenación e Innovación Educativa pola que se convoca a concesión do Selo Biblioteca Escolar Solidaria e a selección de experiencias de Voluntariado na biblioteca escolar Primaria de centros integrados no programa BIBLIOTECAS ESCOLARES SOLIDARIAS, destinadas a centros públicos de nivel non universitario e de titularidade da Consellería de Cultura, Educación, Formación Profesional e Universidades, no curso 2023/24.
Concederanse 5 Selos "Biblioteca Escolar Solidaria" 2023/2024 e seleccionaranse 10 experiencias dos centros adheridos "Voluntariado de Primaria".
O programa "Bibliotecas Escolares Solidarias" é unha iniciativa integrada no Plan LÍA 2021-2025 de bibliotecas escolares, da Consellería de Cultura, Educación, Formación Profesional e Universidades, en colaboración coa Consellería de Política Social (Dirección Xeral de Xuventude, Participación e Voluntariado).
- O prazo de presentación é de 15 días naturais a partir do día seguinte da publicación no Portal Educativo.
