A Xunta incorpora 30 novos centros ao programa ‘Radio na Biblio’ e fomenta o voluntariado cultural
Un total de 167 participan na iniciativa de laboratorios de radio escolares
Ademais, convócase o programa ‘Bibliotecas Solidarias’ con experiencias dentro ou fóra do centro para o alumnado e as súas familias
Enmárcase no Plan LÍA de Bibliotecas escolares para promover un uso responsable da información en múltiples formatos
A Xunta de Galicia vén de incorporar 30 novos centros educativos no programa Radio na Biblio, de tal forma que o número de colexios e institutos integrados nesta iniciativa da Consellería de Cultura, Educación, FP e Universidades se eleva a 167 neste curso. Todos eles forman parte tamén do Plan de Mellora de Bibliotecas Escolares (PLAMBE).
O obxectivo deste programa é que os centros de nova incorporación creen emisoras ou laboratorios nas súas bibliotecas escolares co fin de favorecer proxectos de educación das competencias informacionais e mediáticas do alumnado. Para iso, os seguintes 30 centros percibirán unha asignación de 2.000€:
Provincia |
Concello |
Centro |
A Coruña |
A Coruña |
CEIP Plurilingüe Alborada |
A Coruña |
Ferrol |
CEIP de Pazos |
A Coruña |
Ferrol |
CEIP de Esteiro |
A Coruña |
Mugardos |
IES de Mugardos |
A Coruña |
Muros |
CEIP Ramón de Artaza y Malvárez |
A Coruña |
Pontedeume |
CEIP Couceiro Freijomil |
A Coruña |
Teo |
CEIP Plurilingüe Os Tilos |
Lugo |
Cervantes |
CPI de Cervantes |
Lugo |
Guitiriz |
CEIP Plurilingüe Santo Estevo de Parga |
Lugo |
Lugo |
IES Sanxillao |
Lugo |
Meira |
CEIP Plurilingüe Poeta Avelino Díaz |
Lugo |
Palas de Rei |
CEIP Plurilingüe de Palas de Rei |
Lugo |
Quiroga |
IES de Quiroga |
Ourense |
San Cristovo de Cea |
CPI Virxe da Saleta |
Ourense |
Verín |
IES Xesús Taboada Chivite |
Pontevedra |
A Cañiza |
CPI da Cañiza |
Pontevedra |
A Estrada |
CEIP do Foxo |
Pontevedra |
A Guarda |
CEIP Manuel Rodríguez Sinde |
Pontevedra |
As Neves |
CEIP Marquesa do Pazo da Mercé |
Pontevedra |
Lalín |
IES Ramón Mª Aller Ulloa |
Pontevedra |
Marín |
CEIP de Ardán |
Pontevedra |
Marín |
CEIP de Sequelo-Marín |
Pontevedra |
Meaño |
IES de Meaño |
Pontevedra |
Ponteareas |
IES Plurilingüe Pedra da Auga |
Pontevedra |
Salvaterra de Miño |
CEP Carlos Casares |
Pontevedra |
Tomiño |
IES Antón Alonso Ríos |
Pontevedra |
Vigo |
CEIP Plurilingüe O Pombal |
Pontevedra |
Vigo |
CEIP Plurilingüe Santa Mariña |
Pontevedra |
Vilagarcía de Arousa |
EOI de Vilagarcía |
Pontevedra |
Vilanova de Arousa |
IES A Basella |
No caso dos 137 centros escolares que xa contan cun laboratorio de radio no marco desta iniciativa, percibirán 500€ cada un para a realización de obradoiros de formación específica, en materia técnica para o funcionamento da emisora de radio, a elaboración de producións radiofónicas ou o desenvolvemento de competencias mediáticas a través da radio ou sobre lectura expresiva ou mellora da expresión oral.
Plan LÍA
Esta iniciativa enmárcase no Plan LÍA 2021/2025 de Bibliotecas Escolares, que contempla o reforzo dos programas que inciden na formación do alumnado no seu acceso aos medios de comunicación, como é o caso, con propostas que promovan o coñecemento e un uso responsable da información en múltiples formatos.
A posta en marcha dunha emisora de radio nun centro educativo proporciona múltiples oportunidades para o desenvolvemento de competencias clave a través de tarefas complexas que involucran diversas habilidades e destrezas, permitindo o tratamento de contidos curriculares mediante metodoloxías activas. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Bibliotecas solidarias
Tamén no marco do Plan LÍA, a Consellería de Cultura, Educación, FP e Universidades vén de convocar o programa ‘Bibliotecas Escolares Solidarias’, co obxecto de estimular e recoñecer o voluntariado cultural entre o alumnado e as súas familias. Esta iniciativa desenvólvese en colaboración coa Consellería de Política Social e Xuventude.
No caso dos centros de Primaria seleccionaranse un máximo de 10 experiencias de voluntariado cultural dentro ou fóra do centro, desenvolvidas por escolares de 5º e 6º desta etapa educativa. No caso dos de Secundaria e outras ensinanzas, poderán solicitalo as bibliotecas dos centros cuxo alumnado participe en actividades de colaboración relacionadas coa biblioteca ou de lectura compartida ou traballo coa información, dentro e fóra do propio instituto. Os estudantes recibirán un diploma outorgado pola Dirección Xeral de Xuventude, Participación e Voluntariado.
Dentro deste programa tamén se convoca o Selo Biblioteca Escolar Solidaria, un recoñecemento ao labor das bibliotecas que traballan de forma salientable a compensación de desigualdades e fomentan o voluntariado cultural entre os integrantes da comunidade escolar. Poderán solicitalo todas as etapas educativas e outorgaranse un máximo de 15 selos de recoñecemento.