Documentación
- Formatos de audio
- Formatos de imaxe
- Formatos de arquivo
-
A elección do tipo de recurso que se utilizará na produción do material educativo deberá estar plenamente xustificado dende os puntos de vista académico e pedagóxico.
Ás veces a denominación de “multimedia” pode inducirnos a utilizar animacións e vídeos sen que o obxectivo de aprendizaxe o xustifique. É por iso que se insiste na importancia de dar un tratamento plenamente xustificado aos nosos materiais.
O material incluirá todas as páxinas e os arquivos necesarios para a correcta execución da súa interactividade.
É importante utilizar soamente minúsculas e nomes curtos para os arquivos, sen acentos, espazos nin caracteres inusuais (como a letra “ñ” ou signos).
Recoméndase utilizar o guión baixo ou no medio para separar palabras nos nomes de arquivos, pero sempre coidando que o nome do arquivo non sexa demasiado longo.
As normas para nomear arquivos e cartafoles son as seguintes:
1.- Non poden empezar con punto (.)
2.- Non poderán conter o signo de dous puntos (:)
3.- O uso de arquivos con nomes de máis de 31 caracteres e cartafoles con máis de 29 poden causar problemas con algúns sistemas operativos.
4.- Non poderán incluírse os seguintes caracteres: “” / * ¿ ? <> |: reservados a funcións particulares.
- LOM-ES
- Metadatos
-
Os metadatos son parte esencial dos contidos ou ODEs, son palabras clave ou termos que se introducen durante o proceso de elaboración do ODE por parte dos seus creadores e dos catalogadores e validadores, constitúen un conxunto de datos que fan referencia ao obxecto e que o describen. A catalogación por metadatos, a través dos estándares establecidos (LOM-ES para catalogar e SCORM para empaquetar os contidos), permitiranos encontrar os contidos nas distintas modalidades de buscas que poden realizarse en diferentes repositorios dixitais.
- Estándares en e-learning e deseño educativo
- Perfil de Aplicación LOM-ES V1.0.
- Licenzas "cretive commons ou CC"
-
Na actualidade, Internet está a sufrir unha revolución comparable á do seu nacemento e caracterizada porque agora son os usuarios, sen necesidade de grandes coñecementos técnicos, os que están a crear a web de forma colaboradora, grazas a ferramentas que permiten compartir direccións de páxinas web, sindicar contidos, crear podcasts, almacenar e compartir arquivos de todo tipo, crear blogs ou páxinas web de forma doada e rápida ou mesmo dispoñer dun completo sistema operativo online. E todo iso facendo uso de potentes aplicacións gratuítas de doado uso, que non necesitan realizar ningunha instalación no ordenador, válidas para calquera sistema operativo e accesibles dende calquera lugar. Son aplicacións que melloran a medida que máis usuarios as utilizan e que poden converterse no medio ideal para intercambiar experiencias con compañeiros e compañeiras ou para traballar co noso alumnado en ámbitos colaboradores.
En moitos casos, resulta difícil para os docentes acceder a recursos que poidan utilizar na súa actividade diaria. Así mesmo pode resultar complexo entender cal é a mellor forma de compartir un determinado traballo con outros e á vez reservar para nós algúns dos nosos dereitos.
Propiedade intelectual e dereitos de autor
O famoso Copyright, representado a través da arquicoñecida “©” quedou asociado á idea de "todos os dereitos están reservados".
Aínda que este modelo protexeu dunha forma máis ou menos eficaz os dereitos dos autores ata agora, o desenvolvemento de Internet e o intercambio de información ao que vai asociado fan que o seu uso limite as posibilidades dos educadores. É por iso que nos últimos anos apareceron intentos por eliminar ou reducir as barreiras legais que limitan o fluxo libre e a reutilización do coñecemento. Conceptos como Copyleft (xogo de palabras que propón a posibilidade de que o receptor dunha copia, ou unha versión derivada dun traballo, poida, á súa vez, usar, modificar e redistribuír tanto o propio traballo como as versións derivadas deste) ou as licenzas Creative Commons, (as cales deixan ao autor establecer que dereitos están ou non reservados) están a ter un impacto significativo en como entendemos os dereitos de autor.
Recoñecemento en Creative Commons
Todas as licenzas Creative Commons requiren que deamos crédito ao autor das obras que estamos a utilizar. Aínda que o autor non especificase unha forma particular de como debemos citalo, isto non significa que non debamos facelo. Simplemente significa que debemos facelo da mellor forma que poidamos considerando a información que posuímos.
Normalmente isto implica cinco cousas:
1.- Se o traballo contén algunha información sobre o copyright incluída polo autor debemos deixala intacta ou reproducila dunha forma razoable considerando o medio no que a estamos a reproducir.
2.- Citar o nome do autor, o nome en pantalla ou o nome de usuario segundo o caso. Se estamos a publicar en Internet, é aconsellable enlazar o nome da persoa á páxina do seu perfil.
3.- Citar o título do traballo (se existe). Se estamos a publicar en Internet é conveniente enlazalo ao traballo orixinal.
4.- Citar a licenza Creative Commons baixo a que está o traballo. Se estamos a publicar en Internet é conveniente enlazalo á páxina da devandita licenza dentro da web de Creative Commons.
5.- Se estamos a facer un traballo derivado ou unha adaptación, ademais do anterior, debemos explicitar que a nosa obra é un traballo derivado. Por exemplo: “Isto é unha tradución de (traballo orixinal) por (autor) ”.
Realmente, en caso de que o autor estableza requirimentos adicionais só pode obrigar a:
1.- Que o traballo se atribúa a certo nome, pseudónimo ou mesmo algunha organización.
2.- Que o asociemos a unha URL particular
Se tes material elaborado e desexas elixir as condicións de acceso e uso para os contidos deste, aplica algunha das licenzas de Creative Commons.
Estes son os tipos de licenza que hai | E aquí escolles a que máis che agrade
Unha vez feito iso danche un código que pegas en calquera parte do teu traballo, e listo.
Dereitos de autor .pdf