A Xunta de Galicia sigue a cumprir coas premisas do Plan de Financiamento Universitario e constitúe o grupo de traballo

A Xunta de Galicia está a cumprir coas premias marcadas no Plan de Financiamento Universitario 2011-2015, e esta semana quedou constituído o grupo de traballo co obxectivo de propor medidas de aforro ao sistema universitario galego (SUG).

Dito grupo quedou formado polo secretario xeral de Universidades, José Alberto Díez de Castro; e a subdirectora de Universidades, Beatriz Soutelo, ambos da Consellería de Educación e Ordenación Universitaria. Mentres que a Consellería de Facenda esta representada polo director xeral de Orzamentos Miguel Corgos, e o subdirector xeral de recursos e análise orzamentaria, Joaquín Caballero. Pola súa banda as universidades quedaron representadas polos vicerreitores de economía de Santiago, Sara Cantorna; de A Coruña, Ángel Fernández Castro; e de Vigo, José Manuel García Vázquez.

Así ao longo das vindeiras semanas traballárase interactivamente de cara a depurar e mellorar as propostas presentadas polos integrantes deste grupo. A comezos do mes de abril realizárase unha nova xuntanza para aprobar as dez medidas de racionalización do gasto e de mellora na eficiencia na xestión para o SUG. Este informe será incorporado á comisión de seguimento do plan previsto para as mesmas datas.

Con esta acción a Consellería de Educación está a cumprir cos pasos acordados no Plan de Financiamento asinado polas tres universidades galegas, traballando no desenvolvemento dos puntos acordados e traballando de forma conxunta coas tres universidades galegas. Cómpre recordar que o plan xa é efectivo desde o mes de xaneiro.