Skip to Content

23 de Febreiro. Celebramos a Rosalía!

O día 23 de febreiro no IES Xoán Montes celebramos a Rosalía!

Contamos cunha fermosa actuación de dúas alumnas de 1º ESO que fixeron unha homenaxe á ilustre galega. Sara ao teclado e Joana no papel de Rosalía fixéronnos emocionar coa súa interpretación. 

Ademais, un grupo de alumnos de 3º e 4º interpretaron unha fermosa alborada ao comezo da actuación. 

Noraboa polo voso talento!

rosalia

Noraboa a Lucía Domínguez polo premio do Certame de contos e relatos curtos Trapero Pardo

A alumna Lucía Domínguez de 1ºBAC, vén de recibir un premio do Certame de contos e relatos curtos Trapero Pardo organizado polo Concello de Lugo. A entrega de premios tivo lugar este xoves 22 de febreiro no Vello Cárcere da nosa cidade. 

Podes ler a entrevista de Lucía aquí.

Noraboa por este recoñecemento!

Lucía recollendo o premio

 

Lucía recollendo o premio. Fotografía do Concello de Lugo.

Charla STEM para o alumnado de 4º da ESO

Hoxe 22 de febreiro, puidemos desfrutar dunha iniciativa do programa Prensa-escuela que é A voz da Muller STEM, consistente en charlas de mulleres do ámbito científico-tecnolóxico (clickando no enlace podedes escoitar un resumo da charla) ao alumnado. Faise en colaboración coa empresa Viaqua e o obxectivo é animar ás rapazas a decantarse polos estudios técnicos á vez que serve de referente para todos os estudantes no campo STEM.

Acompañounos nesta ocasión unha matemática lucense con ampla experiencia docente e de xestión na USC así como en varias asociacións, como por exemplo a de La ciencia es femenino, a investigadora Mª Victoria Otero Espinar. Falounos da súa traxectoria laboral así como do traballo tan interesante que desenvolve e que ten tantas repercusións na contorna, desde predicións dos efectos dun tsunami ata da probablilidade de desaparición das distintas ilnguas, entre outras moitas utilidades. Sabedes que é a ecuación da coleta? Pois diso tamén nos falou.

E se abrides o enlace da asociación, poderedes ver un calendario con moitas mulleres de gran relevancia no ámbito STEM.

 

 

Visita ao pazo Tor

Encontro con Chema Avilés

No Xoán Montes tivemos a sorte de contar coa presencia de Chema Avilés que veu falar de cómo crear estructuras no noso centro que favorezcan unha cultura do coidado xerando así unha mellora no clima do centro. Quedamos entusiasmados coa súa proposta! Grazas ao Cefore por facer posible este encontro, ao equipo directivo, a orientación e aos profesores participantes pola súa implicación.

chema

 

Visita de 3ºESO aos Museos Científicos da Coruña

O alumnado de 3ºESO desfrutou dunha xornada nos Museos Científicos da Coruña, organizada polo Departamento de Bioloxía. 

Visitaron o Acuario, Planetario, Casa das Ciencias e A Casa do Home onde participaron nunha disección de corazón. 

Disección de corazón. Fotografía de Amparo Veiga

Convocatoria de axudas para a realización de actividades de formación de idiomas no estranxeiro

Foi publicada a convocatoria AXUDASLE 2024 para axudas para realizar actividades de formación en idiomas no estranxeiro neste verán para alumnado de 1º e 2º de Bacharelato.

Prazo de solicitudes aberto dende o 13 de FEBREIRO ata o 12 de MARZO (incluído).

BO ENTROIDO!

O IES Xoán Montes quere agradecer a todas as familias, alumnado e a toda a comunidade educativa a implicación e gran colaboración na organización do entroido. Foi un gran pracer disfrutar da diversa gastronomía de todas as nacionalidades que conforman este centro.

Bo entroido!

te

 

Té moruno. Foto de Marta Coria. CC BY-SA 

Visita didáctica a Pull&Bear

Hoxe 6 de febreiro o alumnado de Economía de 1º de bacharelato puido desfrutar dunha mañá diferente, pois  realizamos unha visita ás instalacións de Pull&Bear en Narón.

Tanto na loxística coma en todo o proceso de deseño, patronaxe, comercial, de sustentabilidade ... hai unha estudada estratexia, cun modelo de negocio onde o centro é o cliente, baseado na innovación e flexibilidade. A súa forma de entender a moda -creatividade, deseño de calidade e resposta áxil ás demandas do mercado- conseguiron e seguen a conseguir o seu grande éxito e expansión internacional. 

Levámonos unha gran experiencia ademais dos agasallos da imaxe.

 

Foto de Beatriz López CC BY-SA

Un entroido de... CONTO!

Xa temos preparado todo para o entroido no IES Xoán Montes!

Este ano será un ENTROIDO DE CONTO, polo que a temática de disfraz do venres será personaxes de conto ou de ficción. Aquí tes algúns exemplos para inspirarte: Heidi, Pipi Calzaslargas, Pinocho, Hansel e Gretel, Peter Pan, Capitán Garfo, Sherlock Holmes, Robin Hood, O Principiño, Alicia, Harry Potter, Raiña de Corazóns, etc.

Estarán terminantemente prohibidos os complementos violentos ou perigosos (espadas, pistolas, etc), así como calquera disfraz que sexa discriminatorio, sexista ou groseiro.

Iremos arrancando motores ao longo da semana coa nosa versión do tracional Meco. Nesta ocasión, Copora manda! Para os que non o saibades, Copora é a castrexa protagonista do graffiti de Yoe33 que vén de gañar o título do terceiro mellor mural do mundo de 2023 e que está pretiño do noso instituto.

Cada día Copora mandará algunha cousiña que traer ao longo da semana. Para saber o que toca, segue as instrucións de cada día. (Non son acumulativos, trae soamente o que corresponde a cada día).

O venres, será o día máis festivo. Nas dúas últimas horas haberá un torneo de brilé e faremos un "percorrido doce" polos distintos lugares de procedencia do alumnado do centro. Non dubides en traer o teu postre típico!

copora manda

Cartaz de Entroido. Inés Iglesias. CC BY-SA

 

Distribuir contido


by Dr. Radut