StemBach

Contido xeral de StemBach

Estudo da influencia de parámetros operativos nas emisións de gases dos Motores de Combustión Interna Alternativos (MCIA)

BreveExplicación:
"Estudo do comportamento dun motor diésel acoplado a un grupo electróxeno ante a modificación de diversos parámetros operativos e comparación co caso de referencia. Foco nas influencias sobre a emisión de gases contaminantes".

O alumnado introdúcese nos Motores de Combustión Interna Alternativos (os máis extendidos en transporte) concretamente os de encendido por compresión, que usan Diésel como combustible. O obxectivo do proxecto pasa por observar os efectos de variar diversos parámetros na súa operación e comparalos resultados con outros estudos, para comprender mellor os factores que inflúen nas emisións de gases contaminantes.
Obxectivo: Que os estudantes se inicien nas técnicas de investigación e adquiran coñecementos sobre os motores térmicos, a combustión, a formación e control de emisións gasosas.
Alumnado: Daniel Costas Pino, Pedro Costas Rivas e Xián Torres Rivas de 1ºBacharelato Científico-Tecnolóxico.
Profesorado IES: Fátima Silva Cabral e Gonzalo Coello Vilariño.
Titor universitario: David Patiño Vilas da EScola de Enxeñería de Minas.

Conservando e avaliando o estado do Street Art da túa zona

Participantes:
José Santiago Pozo Antonio (Investigador Distinguido da Escola de Enxeñaría de Minas e Enerxía da Universidade de Vigo)
Ángel Iglesias (Profesor de matemáticas do IES Valadares)
María González Nogueira (Alumna de 1º Bacharelato de Artes)
Sofía González Penabade (Alumna de 1º Bacharelato Científico-Tecnolóxico)
Alexandra Fernández Alonso (Alumna de 1º Bacharelato de Artes)

Obxectivo: Este proxecto busca que as rapazas e rapaces coñezan os materiais que constitúen os paneis e as pinturas que adornan as fachadas e paredes dos edificios da súa vila ou cidade e a súa contorna. O street art é unha recente tendencia artística que permite que materiais colorantes empregados anteriormente para realizar pintadas vandálicas se empreguen para crear obras de arte que como tales teñen que ser conservadas e restauradas. Desta maneira é moi importante coñecer a natureza das pinturas (pinturas acrílicas, graffitis, etc.) e dos soportes nos que se aplican (formigón, rochas, metais, etc.). Ademais de coñecer o deterioro destes materiais, este proxecto tamén se centrará en medidas de conservación que haberá que avaliar para cada condición específica como capas protectoras.

Quero unha muller bonita, calada e que non me diga nada. A imaxe da muller en tempos de reggaetón

Neste proxecto de investigación participan as alumnas Ania Montero e María Rodríguez, coordinadas polas profesoras Silvia Sierra Martínez e Esther Martínez Figueira, docentes nas Facultades de Educación dos campus de Pontevedra e Ourense respectivamente. A coordinadora no IES Valadares é Eugenia Fernández do dpto. de Lingua Castelá.