Non habendo aínda persoa gañadora da cesta, decidimos volver a sorteala, a través novamente do sorteo da ONCE do vindeiro domingo 7 de maio. Resultará gañadora a persoa que teña o seu número coincidente coas tres últimas cifras do sorteo. De non saír gañador, seguiremos recurrindo día a día ao sorteo correspondente da ONCE ata a entrega da cesta.

Máis información en Ciclosadmision

Aberto o prazo para solicitar as bolsas de estudos para ensinanzas postobrigatorias: 

https://www.becaseducacion.gob.es/becas-y-ayudas

O prazo remata o día 17 de maio

O pasado xoves 2 de febreiro os alumnos de 1º e 2º de BAC visitaron Santiago de Compostela para coñecer a Universidade e de paso visitar a cidade.

Xa está aberto o prazo para solicitar a reserva de praza no centro adscrito para o alumnado que cambia de etapa educativa.

• O prazo de solicitude para a reserva de praza abrangue do 16 de xaneiro ao 6 de febreiro, ambos incluídos.

• A publicación da listaxe do alumnado con posto reservado será o 22 de febreiro.

• A solicitude deberá realizarse no centro no que está matriculado o alumnado no presente curso, ou ben a través da aplicación admisiónalumnado. A publicación dos postos vacantes será antes do 1 de marzo.

• O prazo de presentación de solicitude de admisión do 1 ao 20 de marzo.

 De conformidade co artigo 5.2. f) 2º, indícase que:

“O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará o centro de adscrición que solicita.En todo caso, a solicitude de reserva será única para cada alumno/a e terá carácter vinculante. A súa presentación implica que son certos os datos indicados nela.”
 
O procedemento de admisión do alumnado nos centros públicos regúlase tanto polo Decreto 13/2022, como pola Orde do 21 de outubro de 2022 que o desenvolve. Pódense consultar nas seguintes ligazóns:

• Decreto 13/2022
  

• Orde do 21 de outubro de 2022  

Para a realización da solicitude de xeito electrónico existe unha guía dirixida á correcta elaboración da solicitude, que pode descargarse no anexo a esta entrada.

Infórmase para xeral coñecemento que as listaxes provisionais de candidaturas ao Consello Escolar foron publicadas no taboleiro de anuncios do centro. Os días 15 e 16 poderán facerse as reclamacións contra as mesmas.