RESERVA DE PRAZA CURSO 24_25
Tódalas solicitudes de reserva de praza no noso IES para o curso 24_25 foron admitidas. Poden consultarse as listaxes no taboleiro de anuncios do centro. Tamén na aplicación https://www.edu.xunta.gal/admisionalumnado/. Neste caso, precísase o código de solicitude e a documentación de identidade dun dos responsables do menor.
Nos arquivos adxuntos pódese acceder ao calendario de exames extraordinarios de 2º bacharelato.
Lembrámoslles que o vindeiro luns 20 de maio é día non lectivo no noso centro.
As actividades lectivas retomaranse o martes 21 de maio.
O procedemento para formular reclamacións ás cualificacións finais de 2º Bacharelato no curso 23_24 vén establecido pola Instrución 10/2023 da Dirección Xeral de Ordenación e Innovación Educativa, de acordo cos artigos 39 a 43 da Orde do 26 de maio de 2023, que
desenvolve o Decreto de ordenación e currículo do Bacharelato.
Nos documentos adxuntos pódense consultar os trámites a desenvolver e os prazos, tanto para a convocatoria ordinaria como extraordinaria. Xúntase tamén modelo de reclamación en formato PDF. O impreso está dispoñible na secretaría do centro.
Dende o pasado 30 de abril, e ata o 13 de setembro de 2024, está aberto o prazo para solicitar as axudas para alumnado con necesidades específicas de apoio educativo (NEAE).
A información está dispoñible no portal de bolsas do Ministerio de Educación, Formación Profesional e Deportes.
A solicitude farase de modo telemático, no seguinte enlace: https://sede.educacion.gob.es/sede/login/inicio.jjsp?idConvocatoria=2109
Pódese consultar a convocatoria, así como un extracto da mesma, nos arquivos adxuntos.
Xunta de Galicia - Consellería de Educación, 2013 | ||
