IES de PONTE CALDELAS

Quedan á disposición das familias o programa de viaxe a Andalucía e o documento que se debe asinar para poder participar, tal e como se acordou na reunión do día 5 de febreiro.

O día 2 de febreiro ás 18:00 celebrarase nas instalacións do instituto unha actividade dirixida ás familias.

A actividade é unha charla sobre ciberseguridade e ciberacoso impartida por personal da garda civil dentro do Plan Director de Seguridade.

Aínda que deseñamos a actividade para as familias do centro, invitamos a calquera persoa con interese no tema a asistir á mesma.

O IES de Ponte Caldelas foi recentemente seleccionado xunto con outros 19 centros educativos galego, na convocatoria definitiva de Centros “Ponte... nas ondas! Modelo de boas prácticas co Patrimonio Cultural Inmaterial (PCI)” durante o curso 2023/24. 

O Patrimonio Cultural Inmaterial ou patrimonio vivo é unha herdanza dos antepasados que se transmite aos sucesivos descendentes e nel inclúense, segundo a UNESCO, as tradicións orais, as artes do espectáculo, os usos sociais, os rituais e actos festivos, os coñecementos e as prácticas relativas á natureza e ao universo, e os coñecementos e técnicas vencelladas á artesanía tradicional. Trátase dun patrimonio que infunde un sentimento de identidade e continuidade e que promove a cohesión social, o respecto pola diversidade cultural e a creatividade humana. Ademais, axuda ás comunidades a construír sociedades resilientes, pacíficas e inclusivas.

Este centro educativo caracterízase por realizar investigacións sobre o patrimonio da comarca dende hai moitos anos. O noso alumnado habitualmente fai entrevistas ás familias para recoller información do que ocurría noutras épocas, de ferramentas, de bailes, de cantares, sucesos históricos, a guerra civil... Con toda esa información adoitamos realizar traballos creativos, debuxos, vídeos, pod-cast que reflexen dun xeito divertido e moderno unha historia valiosa que tratamos de manter viva ou cando menos de recordala. Nas webs recollemos eses procesos para que toda a comunidade educativa teña acceso a esa información. web MEMORIA

Respecto das rifas que o alumnado puxo á venda para a financiación da viaxe de fin de curso e na que se sortea unha estadía nunha casa de turismo rural, temos que informar que houbo un erro na imprenta e a data do sorteo impresa non é a correcta.

A data correcta do sorteo é o 29 de xuño de 2024 da Lotería Nacional.

A Xunta de Galicia ven de aprobar o Bono Deporte; este Bono funciona a través dunha aplicación móbil e o importe irase descontando en función do valor da compra que se faga nos establecementos adheridos ó programa.

A descarga dos bono estenderase do 8 de xaneiro ao 29 de febreiro de 2024. Unha vez descargado o bono poderase utilizar ata o 1 de xullo.

Cada beneficiario disporá como máximo dun bono desconto por cada menor de 6 a 16 anos por un importe de ata 120€ que se poderá descontar nos distintos establecemenos comerciais participantes e que se identificará co distintivo da campaña. Se non see consume na súa totalidade nunha compra pode empregarse en máis establecementos ata que se esgote o seu importe ou o orzamento da campaña e ata o 1 de xullo de 2024.

O bono terá a consideración de bono desconto do 80% da compra ou servizo adquirido. Pódense consultar os establecementos adheridos ó programa (tendas de deporte, clubs deportivos, ximnasios, clínicas de fisioterapia, ...) na mesma páxina que se usa para darse de alta.

É requisito para poder acceder a este Bono, ademais da idade, que estean federados ou rexistrados no programa Xogade.

O I.E.S. Ponte Caldelas ven participando neste programa a través de diferentes actividades e modalidades que se lle ofertan ó alumnado de 1º, 2º e 3º da ESO. Neste curso as actividades que se fixeron foron un Cross escolar celebrado en Caritel e unha proba de Deporte Escoalr que se celebrou no IES de Tenorio.