O 23 de xuño o alumnado premiado no congreso virtual Climántica 2020 que asistirá ao campus internacional a celebrar en Aveiro do 2 ao 6 de setembro participou na lectura dun manifesto en defensa do planeta. Enlace ao vídeo grabado en Ponte Nafonso.

Hoy desconfinamos la Acción por el Clima. La voz de Galicia.

O 23 de xuño publicaranse as notas de todo o alumnado de ESO e adultos de forma escalonada para evitar a saturación da aplicación por recomendación dos administradores do sistema. Recibirán as cualificacións por medio de Abalar móbil. É posible que haxa algún problema para que todos as reciban ao mesmo tempo.

Os días 25 e 26 poderán solicitar aclaracións sobre as cualificacións de forma presencial no IES.

A Consellería de Educación, Universidade e Formación Profesional publica hoxe o calendario de admisión das ensinanzas de Formación Profesional para o curso 2020-2021. A oferta detallada de ciclos formativos publicarase no Diario Oficial de Galicia a vindeira semana.

O prazo de presentación de solicitudes comezará o 25 de xuño ás 9 h. e prolongarase ata o 8 de xullo ás 13 h. A matriculación da primeira adxudicación de prazas comezará o 21 de xullo ás 9 h., ata o 27 de xullo ás 13 h. A continuación, unha vez se comproben as prazas que quedaron vacantes, procederase á segunda adxudicación de prazas, cuxo período de matrícula irá do 29 de xullo ás 9 h. ao 31 de xullo ás 13 h.

O calendario detallado pode consultarse no Portal de FP, no enderezo http://www.edu.xunta.gal/fp/ .

Posto que o peche do centro parece que se vai prolongar máis do previsto inicialmente necesitamos coñecer que familias non dispoñen de medios axeitados para que o alumnado poda realizar e entregar traballos desde o seu domicilio.

Aínda que algúnhas tarefas simples poden realizarse co móbil non resulta útil para a presentación de traballos máis elaborados nin para estudar todas as materias nunha pantalla tan reducida. Hai ademáis tarefas que simplemente non se poden realizar co teléfono móbil.

Publicamos o resumo das Instrucións do 27 de marzo, dirixidas ás direccións dos centros educativos de ensino non universitario sobre a concreción de medidas a adoptar en relación coa avaliación do segundo trimestre.