Taboleiro de novas
Probas de acceso a ciclos formativos 2020
Publicada a Orde do 20 de xaneiro de 2020 pola que se convocan as probas de acceso aos ciclos formativos para o ano 2020.
O prazo de inscripción para as probas de acceso aos ciclos formativos de grao medio abrangue do 2 ao 13 de marzo de 2020, ambos os dous incluídos, é necesario ter 17 anos ou facelos no ano natural.
Máis información no Departamento de Orientación e no portal FP 
Xornada de portas abertas
XORNADAS PORTAS ABERTAS
11-FEBREIRO-2020
18.00-19.00
As familias interesadas en matricular aos seus fillos ou fillas en 1º curso da ESO no IES Ramón Otero Pedrayo para o vindeiro curso 2020-21, e/ou desexen coñecer o centro, a súa organización, funcionamento e os servizos complementarios, poderán facelo nesta data e horario. Así mesmo, informaráselles do proceso de admisión e aclararáselles todas aquelas dúbidas que desexen formular ao respecto.
Oferta da materia optativa de Iguladade de Xénero
O IES Otero Pedrayo ofertará no curso 2019/20 a materia optativa de Igualdade de xénero para o alumnado de 2º da ESO (ademais das outras dúas materias optativas que xa viña ofertando: Oratoria e Promoción de estilos de vida saudable)
No curso 2017/18 o proxecto coeducativo Máis pola igualdade desenvolvido polo IES Otero Pedrayo foi premiado co III Premio Concepción Arenal de proxectos coeducativos convocado pola Deputación da Coruña. Desde entón o noso centro vén desenvolvendo distintas actividades relacionadas coa igualdade de xénero.
Como culminación deste traballo, a partir do curso 2019/20 o alumnado de ESO poderá cursar a materia optativa de Igualdade de xénero.
A materia conta con materiais educativos propios, elaborados por Maite Bouza e Félix Longueira. Deste xeito non será necesario adquirir libros de texto ou outros materiais para cursala. Estes materiais educativos poden consultarse na aula virtual da materia:
https://www.edu.xunta.gal/centros/iesoteropedrayocoruna/aulavirtual/course/view.php?id=280
Ademais dun breve repaso pola historia do movemento feminista, a materia aborda contidos de educación afectiva e sexual, os novos modelos masculinos ou a visibilización das mulleres nas disciplinas científicas. O currículo oficial da materia pode consultarse neste enderezo:
https://www.edu.xunta.gal/portal/guiadalomce/secundaria/materias/lca/ixen
A carga lectiva da materia é dunha sesión á semana.
Eleccións ao Consello Escolar 2018
Nos documentos adxuntos iranse incorporando as informacións referidas ás eleccións de representantes ao Consello Escolar:
- Constitución da Xunta Electoral.
- Calendario Electoral.
- Circular informativa I para o alumnado e para ás familias.
- Proclamación de candidatos e sorteo das mesas.
- Circular informativa II para o alumnado e para ás familias.
- Proclamación dos candidatos elexidos.
Extracto da LOMCE sobre Composición e funcións do Consello Escolar
»
Premio Concepción Arenal de proxectos educativos en igualdade de xénero no ano 2017 da Deputación da Coruña
|
Estamos de noraboa! O proxecto "Máis pola igualdade" foi recoñecido co Premio Concepción Arenal que convoca a Deputación da Coruña. Como sabedes, o proxecto foi desenvolvido polo profesorado e a Dirección do centro para traballar de maneira transversal a coeducación e a igualdade de xénero. Os traballos do proxecto comezarán o 15 de xaneiro, con obradoiros de coeducación para o alumnado de 4º da ESO. Continuará até o mes de xuño con actividades como concertos, intervencións artísticas, obradoiros desenvolvidos polo alumnado de 4º da ESO a impartir ao alumnado de 2º da ESO, etc. Estas actividades chegarán até final de curso, cun concurso de relatos e un acto de peche no que se exporan os resultados a comunidade educativa. |
|
 |
Maite Bouza e Félix Longueira, coordinadores do proxecto premiado, e outros pofesorado do IES Otero Pedrayo de A Coruña recollen o Premio Concepción Arenal |
 |
Entrega de Premios Concepción Arenal no acto que se desenvolveu no salón de plenos da Deputación de A Coruña e que estivo presidido pola deputada de Servizos Sociais, Educación e Igualdade, Ánxela Franco.
|
|
Lembrade que podedes seguir a actividade do programa nas redes sociais: https://twitter.com/OPpolaigualdade https://www.facebook.com/OteroPolaIgualdade-179820212602337/ |
|
Guía da Lomce
Acceda dende aquí aos currículos das novas materias que implantamos neste curso.
Contratación do servizo de cafetería
Publícanse, no documento adxunto, a folla de especificacións técnicas e as condicións para a contratación do servizo de xestión e explotación da cafetería do centro mailos seus anexos.
Prazo para a presentación de ofertas: do 1 ao 31 de xullo de 2015.
Publicase a resolución da valoración das propostas presentadas e de adxudicación do servizo de cafetería.
»
Avaliación de diagnóstico
Informe dos resultados obtidos polo centro:
1. Resultados globais e desagregados en cada competencias:Informe 2014 Informe 2013 Informe 2012
2. Niveis de rendemento: Informe 2013 Informe 2012
3. Resume de resultados: Presentación 2013 Presentación 2012
Información adicional:
A orde do 6 de outubro de 2010 pola que se regula o desenvolvemento da avaliación de diagnóstico nos centros educativos da Comunidade Autónoma de Galicia.
No Portal Educativo da Xunta de Galicia, ten ampla información sobre Avaliación de Diagnóstico en Galicia e os informes sobre os resultados obtidos en convocatorias anteriores.
