Actividades extraescolares

Charla "SI, HAI SAIDA CONTRA A VIOLENCIA DE XÉNERO"

Start: 27/11/2015 11:50

ACTIVIDADE COMPLEMENTARIA: Charla "SI, HAI SAÍDA"
	Día: 27 de novembro Hora: 11:50-13:30 Lugar: Salón de actos Para: 3º e 4ºESO, 1ºBAC, 1ºPECOCA e 1ºSIMIRE

Descrición da actividade:

A cargo de Dª. Marta Rodríguez Engroba, presidenta da asociación Si, hai saída contra a violencia de xénero; falou dende a súa propia experiencia como muller que fora maltratada e como hoxe en día axuda a outras mulleres, porque hai saída.

Dende que iniciaron a súa andaina coa asociación, constatan con gran inquietude como día a día se vai producindo un arrepiante repunte da violencia de xénero entre a xuventude e como se tende normalizar condutas claramente agresivas e controladoras. Polo que é preciso traballar cos rapaces e rapazas e facerlles chegar a mensaxe do que é unha relación saudable, e, moi importante, como detectar os indicios de que unha relación está a piques de converterse en violenta, ou de feito se xa o está sendo.

A charla contou coa participación de D. Laureano García, inspector xefe do S.A.D. (Servizo de Atención ás Familias), da Comisaría de Lugo - Policía Nacional, quen informou do que se pode ou debe facer para denunciar, aclarando como é o proceso da denuncia,...

Despois de ambas intervencións abriuse un turno de preguntas no que se apreciou que a charla non deixou a ninguén indiferente, unhas testemuñas contadas polos ponentes que son para reflexionar.

Quedámonos cunha mensaxe de Marta, non só o día 25 de novembro temos que preocuparnos por este tema, hai outros 364 días... É un problema de todos e todas, que temos que erradicar.

Ligazón a fotografías

Para saber máis da asociación Si, hai saida (Facebook)

Calendario

Exposición: "A CIENCIA E A TECNOLOXÍA DA LUZ"

Start: 23/11/2015 11:50

End: 23/11/2015 14:30

ACTIVIDADE COMPLEMENTARIA: Visita guiada EXPOSICIÓN "A CIENCIA E A TECNOLOXÍA DA LUZ"
	Día: 23 de novembro Hora: 11:50-14:30 Lugar: Museo provincial Para: (FQ) 4º ESO e 1º BAC

O alumnado de Física e Química de 4ºESO e 1ºBAC desprazarase camiñando acompañados de profesorado.

Descrición da actividade:

Igaciencia vén de producir e organizar esta exposición orientada aos centros educativos con motivo do ano Internacional da Luz e do día da Ciencia en Galego 2015, dedicado á Luz e ao Solo.
Terán a oportunidade de visitar a única exposición en Galicia do Ano Internacional da Luz. Pero non só a única, senón a mellor e máis moderna exposición interactiva sobre a Luz que nunca veran en calquera lugar: que abrangue tecnoloxía e luz con Arduino, Robótica e Luz, portas láser, fotografía, programas interactivos explicativos das propiedades da luz, e centos de aparellos, versións educativas e lúdicas das serias versións académicas.

Calendario

Exposición "Valores da CASTAÑA na nosa alimentación e na nosa cultura"

Start: 23/11/2015 11:20

CARTEL

Estándares, metodoloxía e avaliación

Organiza Departamento de Ciencias Naturais
A cargo de 3ºESO e 3ºPMAR
Destinatarios: 1ºESO e 2ºESO

Calendario

Master Class MAQUILLAXE

Start: 18/11/2015 10:00

ACTIVIDADE EXTRAESCOLAR: CURSO DE MAQUILLAXE
		Día: Organiza: Hora: Lugar: Para:	18 de novembro Dpto. Imaxe persoal Pola mañá Taller de Estética C.S. ESINBE

O día 18 de novembro, os/as alumnos/as do ciclo superior de estética asistiron a un cursillo-demostración de maquillaxe e tratamentos cosméticos da marca París Berlín, a cargo da empresa Estética Directo de Vigo. Tiveron a oportunidade de coñecer de primeira man as distintas técnicas de vangarda e a posta ao día en micropigmentación, coa presentación dunha novidosa máquina e aproveitaron para coñecer o catálogo coas últimas tendenzas.

Fotografías

Calendario

Charla-coloquio sobre o Parlamento de Galicia

Start: 19/11/2015 11:50

ACTIVIDADE EXTRAESCOLAR: CHARLA-COLOQUIO SOBRE O PARLAMENTO DE GALICIA
		Día: 19 de novembro Hora: 11:50 ás 12:40 Lugar: Salón de Actos Para: Bacharelato e 4ºESO Organiza: Dpto. Xeografía e Hist.

O Parlamento de Galicia oferta esta charla-coloquio dirixida ao alumnado de Bacharelato e de ESO, dando así continuidade ao compromiso de achegamento á comunidade educativa e tendo como obxectivo que os estudantes coñezan de preto o traballo que se desenvolve nesta institución.

Para elo contan coa colaboración da Asociación de Ex Parlamentarios/as, quen se encarga de que exdeputados/as das distintas forzas políticas galegas se despracen ata o centro de ensino para impartir a charla e dar resposta ás cuestión plantexadas polo estudantado no coloquio posterior.

Os EX DEPUTADOS que asistirán ao IES Muralla Romana son:
- Fernando Carlos Rodríguez (PPdeG)
- Juan Fernando Salgado García (PSdeG-PSOE)
- Emilio López Pérez (BNG)

Calendario

Obradoiro - TÉCNICAS DE ESTUDO

ACTIVIDADE COMPLEMENTARIA: Obradoiro - TÉCNICAS DE ESTUDO.
		Datas: Novembro - Decembro Hora: Consultar táboa Lugar: Na Aula Para: 1ºFP Básica- 1ºESO Organiza: Dpto. Orientación

Obradoiro ofertado polo Concello de Lugo e organizado polo Departamento de Orientación, dirixido ao alumnado de FP Básica, 1º ESO e ACC; co obxectivo de dotar aos rapaces de habilidades de planificación e técnicas de estudo, coa resolución dos problemas asociados. Para elo daráselles a coñecer os factores ambientais que favorecen o estudo. Aprenderán a organizar as tarefas académicas e perfeccionar técnicas: suliñados, resumos, esquemas,… Así, seguindo unhas poucas pautas, mellorarán os resultados académicos.

Estarán acompañados polo profesor que teña clase/titoría con eles na hora correspondente.

	Venres, 13 nov		Venres, 20 nov		Venres, 27 nov		Venres, 04 dec
11:50 a 12:40	1º PEIEST		1º PEIEST		1º PEIEST		1º PEIEST

	Xoves, 12 nov		Xoves, 26 dec		Xoves, 03 dec		Xoves, 10 dec
13:30 a 14:20	1º INFOFI		1º INFOFI		1º INFOFI		1º INFOFI

	Venres, 13 nov		Venres, 20 nov		Venres, 27 nov		Venres, 04 dec
10:30 a 11:20	1º e 2º ACC		1º e 2º ACC		1º e 2º ACC		1º e 2º ACC

	Luns, 23 nov		Luns, 30 nov		Luns, 07 dec		Luns, 14 dec
08:50 a 09:40	1º ESO-B		1º ESO-B		1º ESO-B		1º ESO-B

	Mérc., 11 nov		Mérc., 18 nov		Mérc., 25 nov		Mérc., 02 dec
13:30 a 14:20	1º ESO-A		1º ESO-A		1º ESO-A		1º ESO-A

Xornada de cor Schwarzkopf

Start: 16/11/2015 19:48

ACTIVIDADE COMPLEMENTARIA: XORNADA COR CAPILAR SCHWARZKOPF
		Día: 16 de novembro Organiza: Dpto. Imaxe Persoal Lugar: Hotel Santiago Para: 2º CM PECOCA

Alumnado do Ciclo Medio de Peiteado e Cosmética Capilar recibirá un curso de cor de Schwarzkopf, líder no sector. A finalidade desta MasterClass é formarse como futur@s profesionais e coñecer as novas tecnoloxías en constante innovación.

Schwarzkopf Professional tráelles as últimas tendencias no mundo da perruquería. Nesta xornada coñecerán todo o necesario para estar actualizados por completo, cos produtos desta prestixiosa marca.

Web de Schwarzkopf

Calendario

GSICKMINDS 2015

Start: 20/11/2015 08:00

End: 20/11/2015 18:00

ACTIVIDADE EXTRAESCOLAR: ASISTENCIA ÁS XORNADAS SOBRE SEGURIDADE INFORMÁTICA 2015
		Día: 20 de novembro Hora: 08:00 ás 18:00 Lugar: PALEXCO - A Coruña Para: ADSIINRE, SIMIRE Encargado: Dpto. Informática

O alumnado de informática que cursa algún módulo relacionado directamente coa seguridade informática está previsto que asista a algunhas das charlas organizadas por GSIC (http://gsickminds.net/), no Palacio de Exposicións e Congresos de A Coruña. Polo tanto correspóndelle ao alumnado de “Seguridade e alta dispoñibilidade” do ciclo ADSIINRE tanto no réxime de ordinario como no de adultos e o de “Seguridade Informática” do ciclo SIMIRE ordinario.

Pola tarde visitarán o museo Domus, é o primeiro museo interactivo do mundo adicado ao ser humano. O edificio é obra do arquitecto xaponés Arata Isozaki e ten máis de 200 módulos interactivos para divertirse e reflexionar sobre as características da especie humana.

Calendario

Asistencia á conferencia "Como ganar la carrera de tus sueños"

Start: 12/11/2015 09:40

ACTIVIDADE COMPLEMENTARIA: Asistencia á conferencia "Como ganar la carrera de tus sueños"
	Día: 12 de novembro Hora: 09:40-12:00 Lugar: Edificio Xunta Lugo Para: 4ºESO e 1ºBAC

O alumnado desprazarase camiñando acompañados de profesorado.

Descrición da actividade:

O 12 de Novembro ás 11:00 h. terá lugar, no Salón de Actos do Edificio Administrativo da Xunta en Lugo, a conferencia "Como ganar la carrera de tus sueños".

A organización corre a cargo da Fundación Mutua General de Seguros. Na conferencia o piloto Isidre Esteve, trata de inspirar aos rapaces/as a partir das súas vivencias persoais e profesionais, tendo como fío condutor o grave accidente que o apartou das carreiras.

O profesor Joan Elías plantexa unha reflexión aos rapaces sobre os retos que lles depara o seu futuro e a necesidade de adaptarse a un entorno que cambia rápidamente.

ISIDRE ESTEVE: Piloto, durante moitos anos, de moto, participando varias veces no Paris-Dakar; logo de sufrir un grave accidente que o postrou nunha silla de rodas, participa en raids con un vehículo adaptado.

JOAN ELIAS: Licenciado en Comunicación, Máster en Marketing e RR. HH. Coach de Dirección. Profesor na Escuela de Alta Dirección de Barcelona.

O acto contará coa presenza de de Xosé Ramón Lete Lasa, Secretario Xeral para o Deporte .

Calendario

Asistencia á representación da obra teatral "¡Vaya Tela!"

Start: 12/11/2015 09:30

End: 12/11/2015 09:30

ACTIVIDADE COMPLEMENTARIA: Asistencia ao teatro
	Día: 12 de novembro Hora: 09:30-12:00 Lugar: Auditorio de Lugo Para: 3º ESO

O alumnado desprazarase camiñando acompañados de profesorado.

Descrición da actividade:

O grupo de traballo "Lugo, Cidade polo Comercio Xusto", do que forman parte as asociacións A Cova da Terra, Asemblea de Cooperación Pola Paz, Bico de Grao e Manos Unidas e Fundación Taller de Solidariedad, convídanos ao espectáculo ¡VAYA TELA! que representará en Lugo a compañía catalá Xucrut Teatre.

O espectáculo nace por mor dun encargo da Compañía Roupa Limpa, na primavera de 2010, para crear unha peza de teatro que falase do consumo de roupa e puidese chegar a un público amplo.

Xucrut Teatro penetrouse nun proceso de creación co espírito de abordar o tema do consumo de roupa con humor e crear, así, un clima propicio para abrir debate co público ao finalizar a función. A peza teatral ten unha duración de 40 minutos en clave de comedia, cun ritmo rápido e fluído. Despois dáse paso a un foro que pode ter unha duración de 40 a 60 minutos.