A  visita de   Rosa Aneiros foi promovida polo Departamento de Galego e o ENDL . A escritora gañadora no 2009 do Premio Xerais e do premio de literatura xuvenil da Fundación Caixa Galicia, estivo no Centro falándonos da súa obra Ás de bolboreta,  lida polo alumnado de 4º de ESO e 1º de Bacharelato.

Un privilexio!

O  alumnado do ENDL participou nas actividades promovidas desde a Biblioteca do Centro e o Departamento de Música, para celebrar o día da Paz. Unha delas foi a interpretación musical de varios temas con temática pacifista.

Coa axuda do Departamento de Plástica, fíxose unha pequena exposición de símbolos pola Paz con explicacións sobre a orixe dos mesmos.

Para conmemorar o día da Paz o ENDL fixo unha exposición de textos poéticos , procedentes de diferentes lugares do mundo e traducidos ao noso idioma.

Un home orquestra?

O día 18 de decembro organizouse unha sesión de hip hop e beatbox desenvolta polos artistas Martín Lourenzo e Carlinhos Gende, pertencentes ao grupo Machina. Explicáronlles aos rapaces (en dúas sesións de hora e media) as orixes destas formas musicais, déronlles pautas para animalos a crear e logo implicáronos na práctica das súas composicións.

A actividade organizada desde o ENDL ten como obxectivos dar a coñecer ao alumnado a posibilidade real da composición de música moderna en galego e facer unha iniciación nos procedementos de composición de rimas.

Destinatarios:

Alumnado de 3º e 4º de ESO.