Blogues

Aberto o prazo de solicitude de bolsas de estudos para o curso 2020/2021 dende o 9 de agosto ao 1 de outubro de 2020.

Enlace á web de información e solicitude online: Solicitar bolsa

Empresa de artes gráficas oferta posto de traballo de aprendiz/axudante offset  para incorporación inmediata.

Interesados enviar Curriculum Vitae a ies.montecelo@edu.xunta.es co asunto "Oferta offset"

Publicadas as listaxes de adxudicación de prazas en ciclos formativos de grao medio e superior. Xúntanse arquivos coas listaxes dos adxudicados neste centro.

Os solicitantes adxudicados deberán formalizar a matrícula no centro ou ben renunciar á praza para continuar no proceso de admisión coas solicitudes de maior preferencia.

Os solicitantes que non foron adxudicados nesta 1ª fase deberán permanecer atentos ás listaxes de espera, que se actualizan durante o proceso de matriculación varias veces ao día e comprobar se son adxudicados na 2ª fase (29 de xullo).

A solicitude de matrícula ou renuncia pode imprimirse dende a mesma aplicación na que se fixo a solicitude.

A documentación para formalizar matrícula é a seguinte:

• Solicitude de matrícula personalizada
• 1 foto
• Fotocopia e orixinal DNI
• Fotocopia e orixinal certificación académica da titulación de acceso
• Fotocopia tarxeta sanitaria
• Sobre de matrícula (en Conserxería)
• Pago seguro escolar (faise no propio centro)
• Autorización tratamento imaxe persoal

Non se recollerá ningunha documentación que non esté completa.

Xúntase calendario de probas libres para os ciclos de Anatomía Patolóxica e citodiagnóstico, Farmacia e parafarmacia e Impresión gráfica.

Xornada de acollemento o día 1 de setembro ás 11h, na que se explicará a dinámica da convocatoria. Esta xornada é de asistencia obrigatoria, aqueles alumnos que non asistan serán excluídos do proceso.

MODIFICACIÓN DATA 2ª PARTE PROBA BIOLOXÍA MOLECULAR E CITOXENÉTICA: Esta proba prevista no calendario adxunto para o 14 de setembro ás 10:30, terá lugar finalmente o día 11 de setembro ás 12:00h

Publicadas as listaxes provisionais de solicitantes de prazas en ciclos formativos para o curso 2020/2021.

Para visualizar os seus datos, deberá obter previamente o seu código persoal de solicitude pulsando no seguinte enlace Ver código persoal de consulta, onde se xerará o seu código introducindo o seu DNI e o código da súa solicitude (o que está debaixo do código de barras).

Despois deberá buscar no documento pdf das listaxes o seu código personal de consulta, e comprobar os seus datos. Empregue o buscador do lector de pdf que empregue, facendo click dereito na primeira páxina da lista, seleccione a opción buscar e introduza o seu código personal de consulta.

Debe comprobar que os seus datos son ou non correctos. Si están correctos, deberá esperar á publicación o día 21 de xullo das listas definitivas de solicitantes e das listas de adxudicados. Se non están correctos, deberá formular unha reclamación no centro de entrega ata as 13 h do día 15 de xullo.

No arquivo adxunto pode consultarse o calendario de exames de setembro para o alumnado de FP básica

Entre o 25 de xuño e o 8 de xullo ás 13.00 horas está aberto o prazo proceso de admisión a ciclos formativos.

Na seguinte ligazón: Admisión curso 2020/2021 accédese ás instrucións para realizar a solicitude web, así como un vídeo de axuda sobre como encher dita solicitude e o asistente informático para presentar a solicitude.

Tamén pódese acceder a máis información sobre o proceso nesta ligazón: Inicio do proceso de admisión

No arquivo adxunto pódense consultar as programacións dos módulos profesionais das probas libres que se realizarán no mes de setembro.

Hoxe os nosos alumnos José Carlos Rodríguez,  Andrea Abal e Julián Sevilla, estudantes do ciclo medio de Farmacia e Parafarmacia, recibiron o primeiro premio na categoría "ciclo medio" do programa Depoemprende na FP co seu proxecto "Camiñando". Parabéns!

Para cumprir cos protocolos de prevención e seguridade derivados da situación actual,  a entrega de notas de cada curso realizarase seguindo o seguinte calendario e horario. Lémbrase que é necesario o uso de mascarilla.

AVISO IMPORTANTE: o novo horario de entrega de notas do Ciclo Superior de Deseño e xestión da produción gráfica:

• 11.30 a 12.30: 2º curso de Deseño e xestión da produción gráfica
• 12.30 a 13.30: 1º curso de Deseño e xestión da produción gráfica