Plan Proxecta

O Plan Proxecta sobre Educación sexual no IES Montecelo

Durante o curso 2021/2022 o alumnado da FP Básica estivo traballando co programa Quérote+, promovido polo Departamento de Comunicación e Sociedade.

As profesoras desenvolveron as actividades do programa sobre Educación sexual ao longo do curso, e visitou o centro, a sexóloga Bárbara Penas no mes de abril.

O grupo de peiteado e estética, volcou as actividades realizadas no blog Peiteando a diversidade que podedes consultar no seguinte enlace:  Peiteando diversidade

Un ano máis o centro participa no Plan Proxecta a través do programa Quérote+, coa finalidade de formar ao noso alumnado de 1º de FP Básica en materia de educación afectivo-sexual. A pesar das peculiaridades deste curso académico os alumnos e as alumnas acolleron con curiosidade e emoción o desenvolvemento do programa acadando un alto grao de participación e implicación.

Como arquivo adxunto publicamos a Memoria final avaliando os resultados deste ano e amosamos cunhas imaxes e vídeos algúns momentos vividos polo alumnado durante a realización das actividades propostas.

Este curso, baixo a coordinación de departamento de comunicación lingüística, continuamos traballando no plan Proxecta Quérote+ co noso alumnado de FP Básica. Ao longo de 16 sesións implicamos ao alumnado neste proxecto para concienciar sobre a importancia dunha educación sexual baseada nos principios da tolerancia, o respeto e a igualdade.

Nesta ligazón incluimos a memoria final que inclúe imaxes e un breve percorrido polas accións que puxemos en marcha:

• Memoria final Proxecta 2018-19

Este curso 2018/19 a frase gañadora do concurso sobre diversidade socioafectiva de Plan Proxecta foi:

"Co bonito que o teño e empéñanse en comerme a cabeza"

Parabéns ás alumnas gañadoras: Fátima García, Zoe Otero e Désirée Silvent, que ademais de recibir un vale para gastar nunha librería, o seu cartaz pasará a formar parte da decoración pedagóxica do noso centro.

Durante o curso 2017-2018, o alumnado de FP Básica do IES Montecelo participou no programa “Educación Afectivo Sexual” de Quérote+. A actividade desenvolta para a promoción do respecto á diversidade sexual e da convivencia positiva e igualitaria entre os sexos tivo como lema gañador: 

Non sexas pesado e deixa que cadaquén o faga con quen queira.Sempre consentido e con sentido

O alumnado autor do lema foi Diego Ferreirós, Nerea Freire, Cristian Iglesias,  Verónica Iglesias e Aitana Pintos.