No desenvolvemento da Actuación Contratos Programa, Mellora do nivel de coñecementos para acadar a excelencia, o alumnado participante, coordinado polo profesor responsable da actuación, Xosé Seoane Cao, elaborou o DVD "Carlos Casares Letras Galegas 2017". Rematado o traballo procederon ao envío á Fundación Carlos Casares.
Trasladamos o agarimoso agradecemento que a Fundación expresou a través do seu secretario. O material forma parte xa do arquivo audiovisual da Fundación e, en breve, estará dispoñible na páxina web. Ao mesmo tempo obsequiaron á biblioteca Luisa Villalta con novos fondos.
Parabéns a todos aqueles que participaron nesta iniciativa.
