REVISTA UMBRELA Nº 3. ANO 2003
Marina
Esta é unha entrevista que lle fago ó meu
pai: Francisco , profesor de administración de empresas, pero sobre
todo: GALEGO.
-Ola
Francisco.
-Ola.
-¿Qué
opinas do afundimento do Prestige?
-Que
foi o resultado da incompetencia dos políticos, por non ter controlado o
tráfico de buques con mercancías perigosas, despois de tantos accidentes nos
últimos anos, e no caso concreto do Prestige, pola deixadez que tiveron que nos
pode levar a unha catástrofe de enormes consecuencias económicas, medioambientais
e sociais.
-¿Cres
que Galicia saberá sobrepórse a estas catástrofes?
-Eu
penso e espero que si, pero con grandes dificultades, e aínda non están
avaliados os danos. Ademais nin sequera sabemos se o peor é isto ou aínda está
por vir.
-¿Ti
estás afectado directamente?
-Non
no meu traballo, pero todos somos afectados polas consecuencias
medioambientais.
-¿Cómo
cres que vivirán isto os afectados directos?
-Mal:
os mariñeiros non poden pescar, e non teñen ingresos. Non saben nin o importe
das axudas, nin durante canto tempo as van recibir.
Tamén son afectados todos aqueles sectores
que dependen da economía do mar: como o comercio, a hostelería... e tamén sen
dúbida o turismo.Pero ó final afactaranos a todos
.-¿Cómo
pensas que nos estamos a organizar os galegos?
-Ata
o de agora a organización está á marxe da administración. É gracias ó traballo
dos mariñeiros e voluntarios que o problema non fose a maiores.
-E
para rematar: ¿canto pensas que tardaremos en recuperarnos deste desastre?
-Non
sei, pero será cousa de varios anos.
E así ve Francisco o tema do Prestige. Eu
estou de acordo con el, pero recalcaría que: O GOBERNO NON ESTÁ FACENDO NADA. E
que se isto segue así, vaise vestir de loito toda Galicia, non só a costa.