O pasado mércores 3 de maio, o alumnado do IES A Guía desprazouse o CC Travesía de Vigo para participar na entrega de premios do II concurso de poesía "La Trave". De entre todas as poesías, saíron dúas poesías gañadoras (por votación online e por elección do xurado). Dende o IES A Guía queremos agradecer a iniciativa do CC Travesía de Vigo e a participación do alumnado, así como transmitir os nosos parabéns ao alumnado gañador 
Para máis información, prema na imaxe seguinte:
Na materia de Tecnoloxía Industrial II de 2º de bacharelato, Miguel explícanos o funcionamento do circuíto pneumático de doble efecto no seguinte vídeo:
O alumnado de 1º bacharelato estivo a traballar na materia de Tecnoloxía Industrial I na fabricación dun dispostivo que se propulsa empregando o unha pila de hidróxeno. No seguinte vídeo, pódese comprobar o seu funcionamento e algún "spoiler" a outros proxectos que están en marcha no departamento de Tecnoloxía e que, con moita probabilidade darán que falar nalgunha feira de proxecto próxima... (e ata aí podemos contar, de momento...).
O alumnado de ESO e Bacharelato do IES A Guía participou o pasado 21 de de abril na 6ª competición de robots organizada pola Escola de Enxeñería Industrial da Universidade de Vigo. Trátase dunha iniciativa que pretende espertar o interese polas disciplinas STEM (Ciencia, Tecnoloxía, Enxeñería e Matemáticas). Os nosos parabéns as docentes do departamento de Tecnoloxía, impulsoras da participación do alumnado e, como non, ao noso alumnado!!
Alumnado de 1º de Bacharelato de Ciencia e Tecnoloxía acadou o 1º premio no festival científico na rúa organizado polo CINBIO da Universidade de Vigo co proxecto "investigadores por un día", coordinado polo departamento de Bioloxía e Xeoloxía e englobado dentro do Plan Proxecta "Proxecto Ríos". É un orgullo para o IES A Guía divulgar este recoñecemento froito do traballo dun equipo docente involucrado e, como non, dun alumnado sobresaliente. Moitos parabéns!!
Ligazón 1 ao twitter ligazón 2 ao twitter
A pasada fin de semana do 22 e 23 de abril, alumnado voluntario do IES A Guía participou no festival científico organizado polo CINBIO da Universidade de Vigo. Unha feira científica na que mozos e mozas de ESO e Bacharelato presentaron os seus proxectos a todas as persoas que se achegaron á feira. Os dous proxectos participantes, impulsados dende os departamentos de Matemáticas (proxecto: "estás estropeado?") e de Bioloxía e Xeoloxía (proxecto "investigadores por un día") tiveron moi boa acollida entre a cidadanía que se achegou a desfrutar da feira da ciencia. Ligazón ao twitter.
Theme by Danetsoft and Danang Probo Sayekti inspired by Maksimer
