CIFP Fraga do Eume

   O departamento de orientación do centro organizou, o pasado martes 14 de xaneiro, unha serie de charlas que se enmarcan dentro do Plan Director para a Convivencia e a Mellora da Seguridade nos Centros Educativos. 

   As charlas, que foron impartidas por unha experta da Garda Civil, contribúen á formación do noso alumnado sobre problemas de seguridade, o respecto ós dereitos e liberdades fundamentais e a educación en saúde e en valores de dignidade e igualdade entre homes e mulleres.

   As charlas deste curso tiveron as seguinte temáticas: novas tecnoloxías (1º ESO), acoso escolar (2º ESO) e drogas e alcol (3º e 4º de ESO).

   O pasado luns, 13 de xaneiro, o alumnado de 4º ESO e 1º de BAC tivo a oportunidade de escoitar en primeira persoa á activista feminista rumana Amelia Tiganus.  

   Na  charla, organizada polo concello de Cabanas en colaboración co departamento de orientación do IES Fraga do Eume, Amelia insistiu en que as mulleres teñen dereito a gozar dunha sexualidade libre, pracenteira e en igualdade de condicións. Recalcou que mentres haxa homes que paguen por obter pracer non imos conseguir a liberdade e ese dereito ao propio corpo.

   Amelia, que define o prostíbulo como un campo de concentración para mulleres migradas e empobrecidas, traballa por unha máxima: a prostitución ten que ser abolida. O estado debe perseguir o proxenetismo e aos homes que que consomen prostitución, que son os que financian este sistema de escravitude.

Mónica Piñón Senada, alumna do ciclo modular de cociña e gastronomía, participou na final das becas á innovación gastronómica BBVA e CELLER DE CAN ROCA 2019-20.

A ENTREVISTA

PARABÉNS PARA MÓNICA!!!

   Despedimos o trimestre con xogos musicais, papiroflexia, xincana da igualdade,"escape room" matemático, diferentes obradoiros relacionados coa hostalería (elaboración de tortas e galletas, pelado de laranxas, decoración de mesas, dobrez de panos...) e o tradicional torneo de fútbol.

   Cette année nos vœux de Noël vont dirigés au père Fouettard auquel nous voulons demander de laisser chez eux les enfants qui n’ont pas été sages et d’emporter les mauvaises choses qu’il y a dans le monde, qui nous frappent les yeux et qui nous font du mal.

   Les francophones de l’IES Fraga do Eume.

   
   Hoxe cumprimos un vello soño da nosa biblioteca: invitar a antigos alumnos para que nos falen con perspectiva dos seus anos no instituto, da súa experiencia formativa e tamén da laboral.

   Dani Vilar foi o encargado de iniciar esta serie de encontros “EU TAMÉN ESTUDEI NO FRAGA DO EUME” . Foi alumno deste centro entre os anos 2003 e 2009.

   Fixemos nunha hora un paseo polas experiencias deste “alumno tímido” dos primeiros anos que “se soltou” en 4º de ESO, se abriu ó mundo en Madrid cursando enxeñería aeronáutica; en Barcelona facendo o seu máster no que fabricou un kart e traballou duro nas competicións infantís;  e que agora é cidadán do mundo viaxando como telemétrico nos equipos de coches e motos de alta competición. O seu último destino é Italia no equipo Sky VR46 de Moto 2.

   Foi un pracer gozar  da súa presenza e da súa conversa chea de mensaxes positivas: a importancia do traballo en equipo, de aprender dos demais, de non renderse ante as dificultades, de loitar e esforzarse en calquera situación polo que verdadeiramente queres facer e de orgullo polo traballo ben feito.

Grazas, Dani.

   A ONG Save The Children convocounos o 20 de novembro a participar na XVI Carreira Qilómetros de Solidariedade para conseguir recursos e axudar aos  nenos e nenas do pobo rohingya.

   O rohingya é un pobo de case un milleiro de persoas que moraba no norte do estado de Rakhine, en Myanmar. Falan a lingua rohingya, un dialecto bengalí, e son de relixión musulmá nun estado budista. Myanmar négalles a cidadanía por consideralos inmigrantes bengalís e non birmanos, malia levaren séculos vivindo no seu territorio. Son unha das minorías étnica e relixiosa máis perseguidas do planeta. 

• 100% necesita asistencia sanitaria e un sitio seguro onde refuxiarse.
• 350.000 nenos e nenas non teñen acceso a ningún tipo de educación.
• 62.811 menores de 5 anos necesitan tratamento para a súa desnutrición

   Ao final da Carreira muntiplicamos os quilómetros simbólicos percorridos polo prezo fixado por cada un dos patrocinadores/as e recadamos un total de 692,00 euros.

Parabéns polo voso esforzo!!!

   A Dirección Xeral de Xuventude, Participación e Voluntariado da Consellería de Política Social organizou o pasado venres un encontro sectorial entre alumnos do IES Fragas do Eume e tres cociñeiros de éxito, que contaron a súa experiencia profesional á fronte dos seus restaurantes.

   Enlace á noticia no xornal “Diario de Ferrol”.

   Un ano máis o IES Fraga do Eume celebra a festa das Catherinettes. O alumando de 1º ESO creou os sombreiros pensando nunha muller ou nun home de 25 anos, solteira ou solteiro, cuns gustos determinados que se ven reflexados nos mesmos. Paralelamente, o alumnado que cursa francés tamén participoun na elaboración dun poema dedicado ás Catherinettes e aos Nicolas. 

   Contamos tamén nesta edición cunha entrevista a Nuria Piñeiro, a catherinette, que levou o sombreiro durante todo o horario lectivo.

   Enlace para ver a entrevista, o poema e ós premiados.

   Que estes rótulos non marquen as túas pegadas pola vida!

   A lectura de fragmentos de libros, improvisacións teatrais, actividades deportivas e as titorías, entre outras, son actividades que desenvolvemos de maneira regular ao longo do curso na procura dunha educación baseada no respecto, na igualdade e na resolución de conflitos de maneira amigable.