Achégase a fin do trimestre e con ela a recolleita non só de cualificacións, senón tamén do tan desexado premio do Concurso de Interpretación de poemas de Rosalía de Castro. O grupo gañador é... o alumnado de 4º ESO, que mesturou "as dúas Rosalías" nunha coreografía con música do tema Malamente e como letra o poema Nasin cand'as prantas nasen. Parabéns!!
Este ano para celebrar o Día Mundial da Poesía decidimos espallar ao noso redor versos escritos por poetas de Fisterra. Se mentres dades un paseo queredes gozar dos poemas de Alexandre Nerium, Mónica Góñez, Modesto Fraga, Roberto X. Traba Velay ou Branca Vilela, fixádevos nos farois da Rúa do Voluntariado!
Parécenos, ademais, un bo día para dar a coñecer os gañadores e gañadora do Certame de Videopoemas pola Paz convocado no mes de xaneiro polo Departamento de Lingua Galega e Literatura e a biblioteca: Candela Vázquez Martínez (4º ESO), Alex Mariño Ferrío (4º ESO) e Brais Lema Martínez (3º ESO). Parabéns aos tres!
Mundo sen fronteiras, por Candela Vázquez Martínez.
Paz, por Álex Mariño Ferrío.
A paz, por Brais Lema Martínez.
Cartafol cos instrumentos e procedementos de avaliación e cualificación de cada departamento para o alumnado con atención virtual (AVA) e medidas xerais para a realización das probas.
O venres 13 de novembro publicouse no DOG a Orde pola que se regulan os criterios e o procedemento de distribución de máscaras entre o alumnado matriculado en educación primaria, ESO e educación especial en centros públicos e concertados no curso 2020/21.
Nesta Orde estáblecese que o alumnado destinatario será:
1- O que fose beneficiario de axuda para adquirir material escolar no curso 2020/21.
2- O que non fose beneficiario de axuda para adquirir material escolar no curso 2020/21, pero que pertenza a familias cunha renda per cápita igual ou menor de 6.000 €.
Presentación de solicitudes:
O alumnado que fose beneficiario da axuda para a compra de material escolar no curso 2020/21 NON terá que presentar a solicitude.
O alumnado que non tivo ou non presentou a solicitude de axuda para a compra de material escolar no curso 2020/21, poderá presentar a solicitude.
A solicitude deberán presentala presencialmente na oficina do instituto, cubrindo os Anexo I e II, que estarán dispoñibles na oficina do instituto e tamén na sede electrónica da Xunta.
Prazo de presentación de solicitudes:
Do 14 ao 27 de novembro de 2020.
Máis información neste enlace.
Anexos neste enlace
Debido á situación sanitaria ocasionada pola COVID-19, este curso temos novas normas na nosa biblioteca. Pero isto non significa que non continuemos a dar o servizo de préstamo, ou que non poidamos usar o espazo da biblioteca e os seus ordenadores... Seguiremos con ilusión, gozando da lectura, coma sempre, pero intentando minimizar os riscos de contaxio, por iso coa fin de manter na medida do posible a continuidade do grupo de pertenza contemplada en todas as actividades do centro, asignouse un día da semana a cada clase para poder utilizar a biblioteca.
No seguinte vídeo o alumnado de 1ºESO pon voz ás normas que, en principio, rexerán o seu uso durante este curso.
O Día da Biblioteca celébrase cada 24 de outubro dende 1997 por iniciativa da Asociación de Amigos do Libro Infantil e Xuvenil co obxectivo de concienciar da importancia da lectura e como homenaxe ao labor dos bibliotecarios e bibliotecarias.
A edición deste ano, baixo o lema "Bibliotecas, sempre ao teu lado" céntrase en destacar o importante papel que xogan as bibliotecas ofrecendo acceso á cultura, ao coñecemento e ao entretemento en calquera lugar e circunstancia, resaltando, tamén, o gran labor que desempeñan as bibliotecas situadas no mundo rural.
Por iso, nós neste día queremos render unha homenaxe á Casa do Arco, a Biblioteca Municipal de Fisterra, onde fomos tan ben recibidos por Teresa e Darío na visita realizada co alumnado de 1ºESO o ano pasado. Grazas!
Xa está dispoñible a primeira versión do Plan de adaptación á situación COVID-19 no curso 2020-2021 do IES Fin do Camiño.
 |
881 960 528 |
 |
ies.findocamino@edu.xunta.es |
