Skip to Content

O alumnado de 4º ESO gozou dunha saída ás Fragas do Eume e Ferrol, enmarcada no Proxecto Terra no que o centro participa.
Comezaron coa visita ao barrio da Madalena e ao Ferrol Vello, para despois dar un paseo en barco pola ría ata o Castelo de San Felipe. Ao mediodía asistiron a unha interesante charla sobre bioconstrución, o Proxecto Alvarella, e repuxeron forzas para visitar despois o Mosteiro de Caaveiro e gozar dun fermoso roteiro polas Fragas do Eume. Un día ben intenso!

Ver imaxes


Xela Arias é a protagonista do Día das Letras Galegas 2021. Escritora, tradutora, editora e docente, deixounos poemas que son un reflexo da súa personalidade rebelde, inconformista e transgresora, poemas aos que o noso alumnado pon voz na seguinte montaxe.

Ver montaxe

Díptico Xela Arias


Chegou o Día do Libro e para celebralo estivemos toda a semana recomendando lecturas durante o recreo no noso "photocall literario" na biblioteca: narrativa, ciencia, manga, poesía... E para rematar, convidados pola Biblioteca Municipal de Fisterra Casa do Arco, visitamos un posto de libros no que puidemos elixir o noso agasallo. Moitas grazas!

Ver vídeo

Ver imaxes


Achégase a fin do trimestre e con ela a recolleita non só de cualificacións, senón tamén do tan desexado premio do Concurso de Interpretación de poemas de Rosalía de Castro. O grupo gañador é... o alumnado de 4º ESO, que mesturou "as dúas Rosalías" nunha coreografía con música do tema Malamente e como letra o poema Nasin cand'as prantas nasen. Parabéns!!

Máis imaxes


Este ano para celebrar o Día Mundial da Poesía decidimos espallar ao noso redor versos escritos por poetas de Fisterra. Se mentres dades un paseo queredes gozar dos poemas de Alexandre Nerium, Mónica Góñez, Modesto Fraga, Roberto X. Traba Velay ou Branca Vilela, fixádevos nos farois da Rúa do Voluntariado!
Parécenos, ademais, un bo día para dar a coñecer os gañadores e gañadora do Certame de Videopoemas pola Paz convocado no mes de xaneiro polo Departamento de Lingua Galega e Literatura e a biblioteca: Candela Vázquez Martínez (4º ESO), Alex Mariño Ferrío (4º ESO) e Brais Lema Martínez (3º ESO). Parabéns aos tres!

Mundo sen fronteiras, por Candela Vázquez Martínez.

Paz, por Álex Mariño Ferrío.

A paz, por Brais Lema Martínez.


Cartafol cos instrumentos e procedementos de avaliación e cualificación de cada departamento para o alumnado con atención virtual (AVA) e medidas xerais para a realización das probas.


O venres 13 de novembro publicouse no DOG a Orde pola que se regulan os criterios e o procedemento de distribución de máscaras entre o alumnado matriculado en educación primaria, ESO e educación especial en centros públicos e concertados no curso 2020/21.

Nesta Orde estáblecese que o alumnado destinatario será:

1- O que fose beneficiario de axuda para adquirir material escolar no curso 2020/21.

2- O que non fose beneficiario de axuda para adquirir material escolar no curso 2020/21, pero que pertenza a familias cunha renda per cápita igual ou menor de 6.000 €.

 Presentación de solicitudes:

alumnado que fose beneficiario da axuda para a compra de material escolar no curso 2020/21 NON terá que presentar a solicitude.

alumnado que non tivo ou non presentou a solicitude de axuda para a compra de material escolar no curso 2020/21, poderá presentar a solicitude.

 A solicitude deberán presentala presencialmente na oficina do instituto, cubrindo os Anexo I e II, que estarán dispoñibles na oficina do instituto e tamén na sede electrónica da Xunta.

Prazo de presentación de solicitudes:

Do 14 ao 27 de novembro de 2020.

 Máis información neste enlace.

Anexos neste enlace

 



by Dr. Radut