Actividades

Velaquí algúns locais máis que se sumaron á campaña de dinamización lingüística @aquitamensefala:
          1. Tenda Atmosfera Sport
          2. Farmacia ortopedia García-Mato
          3. Supermercado Eroski Cariño
          4. Cervexaría Aguillóns
          5. Academia de ensino Victoria Eugenia Villar Teijido
          6. Tenda Euronics Martul
          7. Ferraxería Pumar
          8. Bar Mar e Pedra
          9. Estación de servizo Ortegal Oil
         10. Salón de peiteado Sandra Campelle

Como sabedes, durante este curso no EDLG sumámonos á campaña @aquitamensefala , unha iniciativa de dinamización lingüística sen precedentes impulsada polo IES Rafael Dieste e desenvolvida polo alumnado duns 200 centros de ensino de toda Galicia.
Nestes últimos días do curso, queremos agradecer publicamente a tódolos establecementos cariñeses que se sumaron á campaña e recibiron cos brazos abertos á rapazada colaboradora do EDLG.
Porque en Cariño tamén se fala galego...
          1. Libraría Abrente
          2. Moda infantil y bebé D&M
          3. Hotel restaurante A Cepa
          4. Óptica Cariño
          5. Isa's English Centre
          6. Electricidad Hermanos Pita Vizoso
          7. Tien 21 Cesáreo
          8. Mesón O Barómetro
          9. Salón de peiteado Debén
         10. Asesoría Álvarez & Tomé

A Biblioteca, o @edlg_ortegal e o @club_ciencias_ortegal convocamos a segunda edición do Certame de Microrrelatos Científicos do IES Cabo Ortegal.
Anímate a participar!

Durante o 2º trimestre, o alumnado colaborador do EDLG desenvolveu a campaña @aquitamensefala e repartiu polos establementos cariñeses cartaces que promoven o uso do galego.
Neste Mes das Letras, iremos dando a coñecer nas redes os locais e colectivos que se uniron á iniciativa, mais de momento podedes ver un adianto nos corredores.
Grazas a tódalas persoas que se sumaron á campaña e, en especial, ó noso alumnado dinamizador!

O pasado martes 30 de abril o alumnado de 3ºESO realizou unha saída didáctica a Santiago de Compostela acompañado das profesoras Patricia Vázquez e Sara Filgueira.
Pola mañá acudiron á Cidade da Cultura para visitar a exposición de realidade aumentada "Hábitats. Natureza estendida". E, tras unha pausa para xantar, pola tarde participaron nun roteiro histórico-literario pola cidade vella.
A actividade foi organizada conxuntamente polos departamentos de Lingua Galega e Literatura, Física e Química e polo EDLG.

#saída #excursión #compostela #edlg #exposición #hábitats #literatura

No Día do Libro, fixemos unha lectura compartida de anacos dalgunhas obras relevantes da literatura universal nos idiomas do alumnado.

Podedes ver que o pasamos moi ben!!

Velaquí unhas mostras...

O alumnado de 3º ESO recibe á escritora Andrea Maceiras o martes 5-3-24 de 11:30 a 12:20 horas para conversar arredor da obra O que sei do silencio.

A actividade está organizada polos departamentos de Biblioteca, EDLG e Lingua Galega.

O luns 27-11-23, de 16:00 a 17:40 horas, todo o centro participa na conmemoración polo 25N e despois celebramos o Magosto. Haberá degustación de castañas asadas e, se a meteoroloxía o permite, poderase participar en xogos tradicionais no exterior. 

A actividade está organizada polo Equipo de Dinamización da Lingua Galega coa colaboración do Departamento de Educación Física.

Anxo, Sara, Lucía, Naiara e Zoe de 4º ESO gravaron o seu microrrelato científico na radio de Polos Creativos. Os seus microrrelatos foron os 5 seleccionados dentro do I Certame de Microrrelatos Científicos organizado polo centro.

Todo o alumnado do centro participa no espectáculo A igualdade non ten truco o luns 29-05-23 de 16:00 a 17:30 horas.A compañía Magia en la Manga, integrada por Sara Rodríguez e Carlos Tomico, presenta un espectáculo que fai un percorrido por diferentes conceptos básicos do feminismo e procura promover a igualdade de xénero a través da arte do ilusionismo e das vivencias una maga contemporánea.

 A actividade está organizada polos equipos de Biblioteca e Dinamización da Lingua Galega e o Concello de Cariño

Oito alumnas de 2º de ESO realizan un contacontos ao alumnado do CEIP Manuel Fraga Iribarne o venres 28-04-23 de 12:00 a 14:00 horas.

 A actividade está organizada polo departemento de Lingua Galega e os equipos de Biblioteca e Dinamización da Lungua Galega.

O mércores 24-05-23 de 13:00 a 14:00 horas a escritora Eva Mejuto, autora de A ladroa da biblioteca de Meirás, visita o noso centro para presentar á súa obra diante do alumnado de 3º A.

A actividade está organizada polo departamentode Lingua Galega e o equipo de Dinamización da Lingua Galega do IES Cabo Ortegal.

Neste Mes da Ciencia en Galego desnvólvese o concurso 'En busca do enigma perdido'. 

Do martes 15 ao venres 18 e do martes 22 ao venres 25 de novembro haberá un enigma para cada categoría que estará exposto durante o recreo na entrada da Biblioteca.

A actividade está organizada pola Biblioteca, o EDLG, o Club de Ciencias e o equipo Erasmus+.   

Aquí vos deixamos o cartel da actividade. Animádevos a participar!!

O alumnado de 4º da ESO e de 1º e 2º de BAC visita Santiago de Compostela o venres 11-11-22, de 08:30 a 20:00 horas, para asistir á representación no Auditorio de Galicia da obra de teatro N.E.V.E.R.M.O.R.E., da compañía Chévere, centrada na catástrofe do Prestige.

Pola tarde, o alumnado realizará unha visita por algúns dos lugares máis coñecidos da zona vella compostelá, guiados polo profesorado acompañante.

A actividade está organizada conxuntamente polo Departamento de Lingua Galega e Literatura, o Equipo de Dinamización da Lingua Galega e a Biblioteca Escolar do IES Cabo Ortegal.