Hoxe día 1 de setembro saíu publicado no DOG a ORDE do 25 de agosto de 2015 pola que se convocan axudas para a adquisición de material escolar destinadas ao alumnado matriculado en educación primaria, educación secundaria obrigatoria ou educación especial en centros sostidos con fondos públicos para o curso escolar 2015/16.
Trátase dunha axuda de 50€ para adquirir material escolar, sendo un dos requisitos para poder solicitar a axuda a de ter unha renda per cápita no ano 2013 igual ou inferior a 5400€.
As axudas serán solicitadas polos pais, nais, titores ou representantes legais do alumnado, sendo o prazo de presentación de solicitudes dun mes contado a partir do día seguinte ao da publicación desta orde no Diario Oficial de Galicia.
O formulario de solicitude (Anexo I) presentarase preferentemente no centro e pódese obter tanto na administración do IES como na seguinte ligazón: ANEXO I.
Pódese consultar todo o referente á Orde premendo en:
Axudas material escolar (Curso 2015-2016)
| Adxunto | Tamaño |
|---|---|
| Anexo I (Solicitude).pdf | 1.19 MB |
| Orde axudas material escolar.pdf | 822.44 KB |
