Alumnos do IES Cabo Ortegal visitan o IES Cañada Blanch de Londres

 http://galegoenlondres.blogspot.co.uk/2012/05/visita-do-ies-ortegal-de-carino.html

Un grupo de alumnos das Seccións Bilingües de Matemáticas de 2º ESO, formado por Miriam Breijo, Patricia Armada, Eva Pernas, Carme Ramonde, Camila Herrera, Carmen Docal, Vanesa Freire, Manuel Ruiz e Adrián Vila, acompañados das profesoras do Equipo de Seccións Bilingües do IES Cabo Ortegal Beatriz Otero Esteban e Aniana Díaz Gómez, están estos días de visita cultural en Londres. Hoxe, día 25 de maio de 2012, estiveron no IES Cañada Blanch, na capital británica. Alí fixeron unha presentación do noso pobo, Cariño e do noso instituto, nunha clase de Galego do devandito centro, ante un grupo de alumnos e o seu profesor, Xaime Varela.

Volverán este domingo a Cariño. Seguro que terán moitas cousas que contarnos.

Este é un video do seu paso polo centro e da súa presentación de Cariño ao alumnado do IES Cañada Blanch.