Como todo ten o seu fin, tamén a estancia de Megan entre nós, durante o curso 2011-12, rematou o xoves 31 de maio. Nunha breve pero emotiva xuntanza no salón de actos, entregámoslle os nosos agasallos de despedida. Dela recibimos o seu agradecemento e a a súa inestimable compañía durante o curso. Temos a certeza de que deixa amigos en Becerreá e no isntituto, e de que nós temos unha nova amiga en Belfast. Moita sorte e moitas apertas.

Como xa se explicou nunha entrada anterior,, o equipo do IES de Becerreá fomos os vencedores da 2ª xornada clasificatoria do Parlamento Xoven 2012, que se celebrou en A Coruña. Déronnos aloxamento no Pazo de Mariñán, un lugar con moito encanto. Ese día foinos moi ben nos debates que realizamos e, a pesar dos nervios que tiñamos, convertémonos nos gañadores desa fase. E se nos referimos á diversión, non puido ser mellor!

A fase final foi o 17 de marzo no Parlamento de Galicia en Santiago e, se os nervios da fase clasificatoria foron moitos, desta vez xa nin vos contamos! Despois de pasar os cuartos de final, elimináronnos nas semifinais, pero quedar entre os catro mellores de Galicia e pasar uns días impresionantes, está bastante ben, non? E se a iso lle sumamos que gañamos o premio ao mellor dosier grazas ao traballo do noso coordinador, Xulio, a experiencia foi inmellorable. PREME AQUÍ, ou sobre a foto, para que vexas como foi o noso traballo e o dos demais participantes.

Desde o día 27 de febreiro e ata o 23 de abril, gozamos da compaña de dúas parellas de ratos doados ao centro pola Fundación Barrié e a empresa Xaraleira, co obxectivo de achegar ao alumnado de 4º da ESO e 1º e 2º de BAC aos principios da xenética mendeliana e a forma de traballar propia da ciencia, así como contribuír a despertar vocacións científicas. Neste proxecto participa o noso centro xunto con outro 20 máis de toda Galicia.

Pese á que a experiencia se orienta aos cursos antes mencionados, no IES de Becerreá trataremos de implicar ao maior número de alumnado posible e así, aqueles grupos que non participen directamente nos traballos de investigación, farano para estudar o ciclo e costumes destes roedores así como noutras labores de intendencia para o coidado destes exemplares, sempre coordinados polos profesores do Departamento de Ciencias Naturais. E por certo, unha das parellas está esperando descendencia!! Seguiremos informando desta e outras novas. PREME SOBRE A FOTO PARA VER UN VÍDEO DE COMO SE TRABALLA CON ELES.

Last 16th February CLEVER PANTS THEATRE COMPANY came to IES Becerreá to perform a couple of shows for us! They have been coming for four years now; and as usual they´ve done great! The first of them was SOUTH BY SOUTHEAST in which CLEVER PANTS presented an original homage to the classic Hitchcock  style thrillers of twentieth century cinema. Using a mixture of theatrical techniques and clever humour they offered an interactive stage version of this popular fil genre. It was aimed at our Bacharelato students. After lunch, our ESO students could enjoy THREE IN ONE, a comic look at some classic English literary styles from the last 400 years. Using a dynamic sketch show format the actors played a multitude of characters in different versions of three classic genres: a tragedy, a melodrama and an adventure.

Unha vez máis, alumnado do noso centro acude á 3ª edición do Parlamento Xove, a de maior número de participantes (30 equipos) das celebradas ata o momento (con anterioridade, realizáronse varias edicións da chamada Liga Galega de Debate, na que participamos desde a primeira edición). Coordinados polo profesor de Filosofía, Xulio, catro alumnos/as de 1º de BAC forman o equipo deste ano (de esquerda a dereita na foto): Valvanera, Aida, Javier, Xulio e Alba. E o 25 de febreiro, segunda xornada da fase clasificatoria, debutaron en A Coruña, participando xunto con outros 14 centros das provincias de A Coruña e Pontevedra, e quedando os primeiros clasificados desta xornada! Parabéns para todos. Ademais do traballo do coordinador, hai que destacar que o resto do alumnado do curso colaborou activamente na preparación do debate. Esperamos que este esforzo colectivo desenvolto ata o momento (boa parte del, en horario extraescolar incluso durante o Entroido), teña a súa merecida recompensa (de momento, parece que si) e sexa, en xeral, unha boa experiencia para todos/as os que se involucraron neste proxecto.Contan co ánimo e apoio de toda a comunidade escolar do centro.

Como xa tiñamos advertido, a celebración deste ano ía ser memorable. E foi. Moitísima participación por parte do alumnado, profoserado e persoal non docente e moita animación por parte daqueles que, sen disfrazar, participaron co seu bo humor. Agradecer o esforzo aos que nos agasallaron cos seus doces. E unha mención especial para o grupo de 4º da ESO, que como é tradición, coordina toda a celebración. Queda un bo reto para o vindeiro curso! Visita o vídeo resumo que colgamos na nosa conta de youtube, ou pásate pola galería de fotos para que non esquezas ningún detalle ou para que aqueles que non estiveron, poidan facerse unha idea de como son as nosas festas do Entroido. Igual que sempre, o vídeo completo e toda a colección de fotos está a disposición de calquera interesado na biblioteca do centro.

Ao remate desta semana, dará comezo un novo Entroido e no noso instituto comezaron os preparativos para a festa do venres. Como é tradición, incluirá un concurso e degustación de doces tradicionais, un concurso de disfraces e a queima do espantallo . Este ano, e como podedes observar na foto, o espantallo representa ao popular personaxe creado polo humorista José Mota, "La Vieja´l Visillo", unha cotilla empedernida que se pasa o día observando aos veciños desde detrás do "visillo" da súa ventá, para despois espallar os seu contos e "cotilleos" pola vila adiante causando o maior dano posible. En breve, daremos conta de todo canto aconteceu na nosa festa de Entroido, que polo que sabemos, promete! E tamén quixeramos agradecer o bo traballo do alumnado de 4º da ESO, que se encarga dos preparativos entre os rapaces, así como o esforzo da súa titora, que coordina estes preparativos tanto entre o alumando como entre o profesorado.

O mércores 21 de decembro rematOU o primeiro trimestre deste curso. E para dar a benvida ao Nadal, de novo a tradicional chocolatada con roscón de reis para ir distraendo á fame; fíxose entrega dos premios do certame de relato breve de Nadal (Laura Pardeiro está abonada ao éxito) e rematamos cun concerto a cargo do alumnado de música de 4º da ESO e de 1º de BAC. PREME NA FOTO PARA VER UNHA COMPLETA REPORTAXE FOTOGRÁFICA de todo isto.

BOAS FESTAS E UN VENTUROSO 2012 PARA TODA A COMUNIDADE EDUCATVIA DO IES DE BECERREÁ.

PREME SOBRE A IMAXE e poderás comprobar o ben que se pasa e o ben que se come neste instituto. De novo, os alumn@s de 4º organizaron a celebración do magosto para que resultara unha xornada de convivencia lúdica. Rímonos bastante, comemos o que puidemos e outro ano máis, os xogos serviron de escusa para que tod@s, alumnado e profesorado, participasemos co mesmo obxectivo: divertirnos. Entre todos fomos aportando as castañas, e ademais, parte do alumnado de 4º agasallounos cuns doces caseiros exquisitos. Como novidade, quedaou instaurada a elaboración e degustación de  "bocatas" de nocilla, (perdón pola publicidade encuberta: debería dicir "crema de cacao").  Supoñemos que se converterá nunha nova tradición do noso magosto. Próxima celebración colectiva: a chocolatada de Nadal!! Pero antes toca facer exames. Boa sorte.

Nunca é tarde para recrear e festexar antigas tradicións. Organizada polos alumn@s de 4º da ESO, coordinados pola súa titora e coa participación do resto do alumnado, que aportaron as cabazas e parte das larpeiradas das que demos boa conta, celebramos por primeira vez a festividade de Samaín, a festa de orixe celta (Samhain) que daba comezo a un novo ano cun encontro entre o mundo dos vivos e dos mortos (o mundo dos antepasados), e que a tradición cristiá transformou no Día de Todos os Santos. Ademais do festín gastronómico, no que tamén colaboraron vari@s profesores/as aportando doces caseiros, os alumn@s de 4º e 3º fixeron unha proxección  das presentacións que elaboraron na materia de Lingua Galega sobre a festividade, e que tamén incluían pequenos relatos de terror e misterio. Igualmente, desde a biblioteca recomendáronse lecturas con esta temática escura e misteriosa,  para lectores/as sen medo a nada e que axudan a levar as longas noites do outono con máis lixeireza.  Preme na foto para ver as imaxes da celebración.