Despois do proceso de RESERVA para o alumnado dos colexios adscritos, ábrese o prazo para que o alumnado doutros centros educativos que desexe incorporarse ao IES As Bizocas presente a solicitude de ADMISIÓN, do 1 ao 20 de marzo e preferentemente por vía electrónica.

A OFERTA DE POSTOS ESCOLARES para 2023/2024 é a seguinte:

- 1º ESO: 8 (+ 6 NEEAE)
- 2º ESO: 10
- 3º ESO: 18
- 4º ESO: 19

Teñen toda a INFORMACIÓN do proceso de admisión, incluído un manual de axuda para as familias, na seguinte ligazón: https://www.edu.xunta.gal/admisionalumnado

Acceden así nesa páxina web á APLICACIÓN "AdmisionAlumnado" na que poden cubrir a SOLICITUDE DE ADMISIÓN, marcar os criterios do baremo que, chegado o caso, queiran que se valoren e presentala xa por vía electrónica a través da sede electrónica da Xunta de Galicia (utilizando Chave365, certificado dixital ou dni electrónico). Tamén poden cubrila na aplicación, imprimila e asinala para presentala presencialmente no instituto no que solicite praza en primeiro lugar (ou presentala nos lugares e rexistros conforme a normativa do procedemento administrativo común).

Lémbrase que co documento de solicitude (Anexo II) deberán achegar o Anexo II-bis para a comprobación de datos dos membros computables da unidade familiar e do consentimento da outra persoa proxenitora, titora ou acolledora. En todo caso, terase en conta a composición da unidade familiar na data 01/03/2023, agás os datos económicos (renda e IPREM) que serán os relativos ao exercicio fiscal 2021.

Ademais do formulario de solicitude de admisión deberá achegar tamén a seguinte documentación (así como aquela outra que requira o instituto e sexa necesaria para tramitar o procedemento):

- Copia do libro de familia onde figure o/a alumno/a e os demais membros computables da unidade familiar (de non ter libro poderá aportar un certificado de convivencia dos membros computables da unidade familiar onde conste a data de alta).

- Se é o caso, sentenza xudicial de separación ou divorcio e/ou convenio regulador onde conste a custodia do/da menor.

No caso de opoñerse á consulta automática para a comprobación de datos deberán indicalo no recadro correspondente da solicitude e, polo tanto, achegar a documentación que corresponda.

As familias deberán presentar tamén calquera outra documentación complementaria necesaria para tramitar este procedemento cando lla requira o instituto.

NOTA INFORMATIVA:

1. O alumnado poderá pedir ata seis centros por orde de preferencia (e alegar os criterios de admisión que pretenda que se lle valoren), presentándoa no centro solicitado en primeiro lugar. Despois de presentar unha solicitude de admisión, para RENUNCIAR a ela deberá facerse expresamente, indicándoo no recadro correspondente da nova solicitude que deberá presentarse.

2. O alumnado que teña prioridade para continuar estudos nun centro de adscrición pode exercer o seu dereito á reserva de praza presentando solicitude de reserva no centro adscrito, isto é, no que está matriculado nese momento, e identificará o centro de adscrición que solicita.

3. En todo caso, a solicitude de reserva ou de admisión é única para cada alumno/a e ten carácter VINCULANTE. A súa presentación implica que son certos os datos indicados nela. A existencia dunha solicitude de admisión presentada en prazo sen renunciar expresamente á anterior e, así mesmo, a existencia dunha solicitude de admisión sen ter renunciado á praza RESERVADA a 28 de febreiro (este incluído) poderán ser causa de PERDA DO DEREITO a participar no procedemento nos termos previstos no artigo 8.

INFORMACIÓN ACTUALIZADA DO PROCESO DE ADMISIÓN:

Na aplicación "AdmisionAlumnado" (https://www.edu.xunta.gal/admisionalumnado/) as familias poderán consultar:

a) O cronograma coas datas dos trámites principais.

b) A previsión de postos escolares dispoñibles.

c) A relación do alumnado de cada curso, co número da solicitude de admisión asignado pola aplicación.

d) O estado de tramitación da súa solicitude (utilizando o número de solicitude e o número de DNI da persoa solicitante).

e) A listaxe do alumnado con posto reservado e a listaxe provisional e definitiva do alumnado admitido coa puntuación total e do alumnado non admitido (utilizando calquera dos mecanismos de identificación admitidos pola sede electrónica da Xunta de Galicia, incluíndo o certificado dixital e a Chave365).

PRAZOS DO PROCEDEMENTO DE RESERVA E ADMISIÓN:

• Presentación de solicitudes de reserva nos colexios adscritos (CEIP As Bizocas e CEIP Valle-Inclán): do 16/01/23 ao 06/02/23.

• Publicación da listaxe de alumnado con posto reservado: o 22 de febreiro.

• Presentación de solicitudes de admisión: do 1 ao 20 de marzo.

• Presentación da documentación acreditativa para baremar: nos 10 días hábiles seguintes, do 21/03/23 ao 03/04/23.

• Publicación da listaxe provisional de alumnado admitido: o 25 de abril. (Prazo de reclamacións: 5 días hábiles seguintes, ante o Consello Escolar).

• Publicación da listaxe definitiva de alumnado admitido: o 15 de maio. (Impugnación: presentación do recurso de alzada no prazo dun mes, ante a Xefatura Territorial).

• Prazo de matrícula na ESO: do 23 de xuño ao 7 de xullo.

OUTRA INFORMACIÓN:

• Centros adscritos: CEIP As Bizocas e CEIP Valle-Inclán.

• Servizos complementarios: transporte escolar.

• O alumnado que solicite e obteña praza nun centro escolar que non estesa na área de influencia que lle corresponda (domicilio familiar ou lugar de traballo das persoas proxenitoras, titoras ou acolledoras) non terá dereito aos servizos complementarios de transporte escolar.

LEXISLACIÓN APLICABLE:

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

No DOG de hoxe, 18/05/2020, publicouse a ORDE do 29 de abril da Consellería de Cultura, Educación e Universidade, que regula para o curso 2022/23:

- A participación no fondo solidario de libros de texto para todo o alumnado da ESO (en 2º e 4º ESO manteranse os libros de texto do curso 2021/22, para 1º e 3º ESO o centro adquirirá novos libros para repartir en préstamo entre o alumnado beneficiario).
- A convocatoria de axudas para adquirir material escolar destinadas a todo o alumnado da ESO.

O prazo de solicitudes vai do 19 de maio ao 22 de xuño, incluído.

Teñen toda a información nos arquivos que se achegan.

Publícase a listaxe definitiva de alumnado admitido/excluído para estudar no IES As Bizocas no curso académico 2022/2023.

Pode consultarse presencialmente no taboleiro de anuncios situado no interior do instituto ou telematicamente a través da aplicación "admisionalumnado", identificándose previamente, se a solicitude se fixo por ese medio. Infórmase de que todas as solicitudes de admisión para 1º ESO resultaron admitidas.

Publícase a listaxe provisional de alumnado admitido/excluído para estudar no IES As Bizocas no curso académico 2022/2023.

Pode consultarse presencialmente no taboleiro de anuncios situado no interior do instituto ou telematicamente a través da aplicación "admisionalumnado", identificándose previamente, se a solicitude se fixo por ese medio. Infórmase de que todas as solicitudes de admisión para 1º ESO resultaron admitidas.

Poderán formularse reclamacións no prazo de 5 días hábiles, contados dende o seguinte ao da publicación desta listaxe. A estimación ou desestimación das reclamacións formuladas entenderase realizada a través da publicación das listaxes definitivas de persoas admitidas e non admitidas.

O alumnado doutros centros educativos que desexe incorporarse ao IES As Bizocas no curso 2022-2023 terá que presentar a solicitude de admisión do 1 ao 20 de marzo, preferentemente por vía electrónica, ou de xeito presencial no instituto solicitando CITA PREVIA chamando ao 886 151 420 (para a tramitación presencial o prazo de entrega de solicitudes remata o 21 de marzo).

A OFERTA DE POSTOS ESCOLARES en cada un dos cursos é a seguinte:

- 1º ESO:  5 (+6 NEEAE)
- 2º ESO:  10
- 3º ESO:  3
- 4º ESO:  26 

Teñen toda a INFORMACIÓN do proceso de admisión e manuais de axuda para as familias na seguinte ligazón: https://www.edu.xunta.gal/admisionalumnado

Acceden así a unha APLICACIÓN na que poden cubrir a SOLICITUDE DE ADMISIÓN, marcar os criterios do baremo que, chegado o caso, queiran que se valoren e presentala xa por vía electrónica (utilizando Chave365, dni-e ou certificado dixital), ou cubrila na aplicación, imprimila e asinala para presentala presencialmente no instituto (con CITA PREVIA). Neste último caso presentarase asolicitude no instituto no que solicite praza en primeiro lugar, empregando ese formulario oficial (Anexo II).

Lémbrase que co Anexo II de solicitude deberán achegar:

- Documento acreditativo do requisito de idade do/da alumno/a (isto é, dni ou libro de familia).

- Certificado de matrícula do curso actual.

- Se é o caso, convenio regular ou resolución xudicial de separación xudicial ou divorcio onde conste a custodia do/da menor.

Non será necesario presentar máis documentación, salvo que se opoñan á consulta automática dos datos.

Se o número de solicitudes é superior ao de postos dispoñibles haberá que BAREMAR. Nese caso publicarase un aviso para que as familias presenten no instituto (entre o 24 de marzo e o 6 de abril) a documentación xustificativa dos criterios alegados na solicitude.

NOTAS DE INTERESE:

1. Cada alumno/a só pode presentar unha única solicitude no centro no que solicite praza en primeiro lugar. Esta poderá anularse mediante a presentación doutra solicitude de admisión posterior indicando expresamente por escrito que queda sen efecto a anterior. O alumnado que tivese posto reservado en centro de adscrición poderá presentar solicitude de admisión se acredita que renunciou ao posto reservado antes do comezo do prazo de admisión.

2. O alumnado que ten garantía depermanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe. O actual alumnado do IES As Bizocas ten garantida a súa permanencia para cursar as ensinanzas de ESO neste centro. Porén, o alumnado matriculado en 4º ESO debe presentar a solicitude de admisión no instituto da súa elección onde queira continuar os estudos.

3. As familias deben ser conscientes de que únicamente o alumnado que segundo o domicilio alegado a efectos de valoración estea na zona de influencia deste centro terá dereito ao servizo de TRANSPORTE ESCOLAR ofrecido pola Xunta de Galicia.

LEXISLACIÓN APLICABLE:

• Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

• ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (código de procedemento ED550A e ED550B).

OUTRA INFORMACIÓN:

- Centros adscritos: CEIP As Bizocas e CEIP Valle-Inclán.

- Servizos complementarios: transporte escolar.

Comunicamos a existencia de prazas suficientes para atender todas as solicitudes de reserva efectuadas en prazo e rexistradas polos centros adscritos, CEIP As Bizocas e CEIP Valle-Inclán, para cursar 1º ESO neste instituto durante o ano académico 2022/2023.

Segundo as recomendacións vixentes en materia de protección de datos persoais, esta listaxe definitiva de alumnado faise pública no taboleiro de anuncios do instituto, onde se poderá consultar presencialmente, e mais telemáticamente na aplicación https://www.edu.xunta.gal/admisionalumnado/ á que poden acceder empregando a Chave365 ou certificado dixital.

Dado que no prazo establecido para esta convocatoria pola Consellería de Cultura, Educación e Universidade non se presentou ningunha solicitude, o alumnado que resulta beneficiario das máscaras coincide co alumnado que foi beneficiario este curso 2021/22 do vale para adquirir material escolar.

A listaxe definitiva de alumnado beneficiario pódese consultar no taboleiro do centro.

O instituto entregará directamente as máscaras a este alumnado o antes posible, en canto dispoña delas.

A Consellería de Cultura, Educación e Universidade publica por medio da Orde do 28 de outubro de 2021 os criterios e procedemento para a distribución de máscaras entre o alumnado.

Fanse públicas as listaxes DEFINITIVAS de solicitudes admitidas e excluídas do préstamo de libros de texto do Fondo solidario para estudar no IES As Bizocas o curso 2021/2022.

Estes libros serán entregados ao alumnado durante o primeiro día de clase. A listaxe poderá consultarse tanto no propio centro como a través da aplicación FONDOLIBROS, accedendo, de ser o caso, a través do menú "Cidadáns".

En canto á concesión/denegación de VALES PARA MATERIAL ESCOLAR:

Confírmase a Listaxe provisional publicada o 9 de xullo, polo que os alumnos/as para os que se indicaba "asignaranse como mínimo 6 libros" tamén son beneficiarios do vale para mercar material escolar, resultando excluídos os demais. Os vales ENTREGARÁNSELLE ao alumnado beneficiario durante os primeiros días de clase, a canda o lote de libros de préstamo que lle corresponda a cadaquén.