Biblioteca

O IES Antonio Fraguas recibe un ano máis as axudas para o funcionamento da Biblioteca.

O pasado venres, a coordinadora do Club de Lectura Ptolomeo, asistiu á Xornada de Encontro dos Clubs de Lectura galegos na EGAP.

 Un mes máis o Club Ptolomeo de lectores e lectoras do centro elexiu un novo texto narrativo para ler. Neste mes lemos Calzados Lola do autor santiagués Suso de Toro. E este mes temos sorpresa, porque é máis que probable que o autor comparta con nós sesión tertulia.

Tamén este curso o Club Ptolomeo e o Club da Libreta vímonos agraciados coa axuda que otorga a Consellería para fomento da lectura. Esta subvención permítenos desenvolver actividades e mercar libros para a nosa biblioteca.

Levamos xa varias xuntanzas dos lectores e lectoras,  e segue a ser moi gratificante o encontro e o compartir lecturas.

O alumnado e máis o profesorado que participa no Programa Comenius da UE viaxou a Espergaerden, en Dinamarca, para traballar co alumnado danés, finés, letón e alemán, a participación dos e das estudiantes na vida social, académica e política dos seus países.

Andrea, Ariadna, Andrea, Carmen, Laura e Pablo, e Charo, Chus e Pili, traballando con Sara, Christopher, Emma, Josephine, Marius, etc... informaron sobre a participación do alumnado nos respectivo países.

Logo destas vacacións tan molladiñas, volveremos a encontranos o luns con desexos renovados de convivencia, lecturas e polémica lingüística non?

Os Clubes de lectura retoman a actividade, e o Ptolomeo non quere perder tempo.

O próximo xoves, 14 de xaneiro, ás 18,30,  os e as ptolomeas vémonos na Biblioteca para disfrutar co máis violinista dos detectives, Holmes.  

Bo retorno e feliz aninovo.

O e as do Club da libreta, xa temos nova lectura para este mes. Decidimos na xuntanza de novembro que o relato é A elegancia do ourizo, ou La elegancia del erizo,de Muriel Barbery, pódese ler nas dúas versións. Esperamos que dé tanto que falar como o libro de María Reimóndez.

 Lectores e lectoras do Ptolomeo, e lectores e lectoras en xeral.

  Unha vez comentada sen novedade a novela do vampiro Drácula, e con moito doce, a vida de Stoker e a súa criatura, e de ver fragmentos da película de F F Coppola, pasamos a ler, para o próximo mes, o relato de Sir A. Conan Doyle, Estudio en escarlata, que eleximos o mércores pasado.

  Ola, lectores e lectoras do Ptolomeo estamos xa lendo;  e mañán mércores, 18,  verémonos  ás 18 h. na biblioteca para comentar  Drácula.. Supoño que viredes con colmillos afiados...  Ata mañán. Algúns levaremos allos.