Listado Provisional Admitidos/as: curso 2021-22

 Preme aquí para acceder á información sobre o listado PROVISIONAL de admitidos/as e ao resto da información.

Nota: Foron admitidos todos os solicitantes para 1º de ESO, tanto o alumnado procedente dos centros adscritos- Monte dos Postes, Fontiñas, Juventud e Vilas Alborada - como o resto de solicitudes presentadas para 1º de ESO. 

Matrícula: informarase máis adiante dos prazos concretos de matrícula, que serán a finais de xuño e principios de xullo.

 

"After Fraguas" contacta con ex-alumnos/as

O programa "After Fraguas", da canle Fraguas TV, entrevista a antigos/as alumnos/as do instituto para saber que fixeron despois do seu paso polo noso centro. Ademais, cada programa é presentado por diferente alumnado do centro cada vez. Deste xeito, o pasado e o presente do IES Antonio Fraguas danse a man, establecendo un vínculo entre unha comunidade educativa cada vez máis grande.

Preme aquí para acceder á canle Fraguas TV (e suscríbete gratis)

 Deixamos aquí enlaces aos sete primeiros programas emitidos:

Entrevista a Xoel Sorribas, realizada por Nerea Alburquerque

 

 Entrevista a Lorena Sabel, realizada por Eva Pérez

 

Entrevista a Tamara Montero, realizada por Breixo Barreiro

 

 

Entrevista a Manuel Duro, realizada por Julia Rañal

 

Entrevista a Alexandre Louzao, realizada por Celtia Louzao

 

Entrevista a Alicia Rioboo, realizada por Blas Álvarez

 

Entrevista a Alex Raña, realizada por Carlos Encisa (programa piloto)

 

Concurso de Microrrelatos

O Equipo de Normalización Lingüística do IES Antonio Fraguas convoca o XIV Concurso de Microrrelatos

Accede aquí ás bases do concurso, e se premes no vídeo podes ver a entrevista na TVG sobre este tema

Novidades sobre o proceso de Admisión

Novas prazas en 1º de ESO

Amplíanse para o curso 2021/21 as prazas de 1º ESO, pasando a un total de 150. Tendo en conta a previsión de necesidades de praza dos centros adscritos e do propio instituto (alumnado repetidor) prodúcense 17 vacantes para o proceso de admisión.

As familias que xa realizaran unha solicitude de praza noutro centro por non haber inicialmente praza no IES Antonio Fraguas, poderán poñerse en contacto con ese centro no caso de querer renunciar a dita solicitude para poder presentala neste. Lembren que non pode haber dúas solicitudes simultáneas.

 

Colexios adscritos

Información para o alumnado de 6º de primaria dos centros adscritos: é dicir, alumnado do CEIP das Fontiñas, CEIP Plurilingüe Monte dos Postes, CPR Plurilingüe Vilas Alborada e CPR Plurilingüe Juventud: 

Garántese a escolarización en 1º ESO do alumnado dos colexios adscritos (6º de Primaria) que no seu momento fixeran a reserva de praza para o "IES Antonio Fraguas" en tempo e forma.

Por este motivo paralízase o proceso de solicitudes de praza (e posterior baremación) que estaba aberto no IES Antonio Fraguas ao respecto do alumnado procedente de ditos centros.
 
Non é necesario polo tanto que ditas familias realicen ningún trámite, tanto se xa trouxeran a documentación ao noso centro coma se non, pois teñen a súa praza garantida no IES Antonio Fraguas para o curso 2021-22
 
(para acceder a toda a información sobre a Admisión para o curso 2021-22, prema na pestana "Admisión" na parte superior desta web)

8-M Día da Muller

Todos os membros do Equipo de Igualdade e Apoio LGTBIQ+ traballamos arreo para conmemorar esta data tan importante como se merece. Seguindo a idea da nosa compañeira, Carla Rozas, elaboramos a nosa propia versión da obra da artista conceptual Jenny Holzer, con frases e nomes reivindicativos escritos en papeis moi coloristas. A rapazada foi a encargada de facer unha playlist en Spotify cheíña de cancións ben fermosas sobre mulleres loitadoras. Dende a Biblioteca do centro quixeron achegar a súa propia escolma de libros que rachan cos estereotipos de xénero. Incorporamos tamén a proposta de Tere Casal con frases célebres feministas ditas por homes con moita relevancia na esfera internacional. Ademais, sumámonos á iniciativa de visibilizar mulleres trans que desenvolveu a  Fundación ARELAS, a asociación de familias de menores trans. Tamén contamos cunha pequena presentación de mulleres importantes no eido científico e rematamos cunha representación de mulleres bravas da cultura galega ao longo da historia. Podes ver todo isto recollido neste vídeo. SEGUIMOS EN LOITA, COMPAÑEIRAS. FELIZ DÍA!!!

 

  Co gallo do 8 de marzo, o alumnado de ITI (Investigación e Tratamento da Información) de 2º ESO elaboramos a liña do tempo colaborativa "Mulleres científicas ao longo da Historia". Cada integrante do grupo escolleu unha científica e prestoulle a súa voz para facer unha breve presentación dos aspectos máis relevantes da súa vida e da súa contribución á Ciencia.

Invitámoste a entrar nesta liña do tempo premendo sobre a seguinte imaxe e escoitar as científicas (coas nosas voces) da selección que fixemos.

   Despois de escoitalas, animámoste a xogar no seguinte enlace:

As persoas autoras deste traballo somos:

Coa axuda das profesoras Lupe García e Sonia Iglesias

"Especial Entroido" en Fraguas TV

Programa "Especial Entroido" da canle Fraguas TV, no que podemos ver os vídeos enviados polo alumnado para participar no Concurso de Vídeos de Entroido 2021:

 

Día Internacional da Muller e a Nena na Ciencia

Video conmemorativo do Día Inernacional da Muller e a Nena na Ciencia (11 de febreiro) que puxemos esta semana na TV da entrada do centro. Organizado polo equipo de Igualdade e apoio LGTBIQ+.  

Concurso de Videos de Entroido 2021

Convócase o "Concurso de Vídeos de Entroido 2021", descarga as bases e a autorización de imaxes. Lembra que para participar deberás enviar o vídeo e a autorización ao email fraguastv@gmail.com 

semáforoCOVID

Aula Virtual

 

Igualdade

Medidas COVID

 

Planos do centro

Accesos

Revista Escolar

Biblioteca

Semana Cultural

Departamentos