You are hereO Club Ptolomeo segue a súa andaina
O Club Ptolomeo segue a súa andaina
Un mes máis o Club Ptolomeo de lectores e lectoras do centro elexiu un novo texto narrativo para ler. Neste mes lemos Calzados Lola do autor santiagués Suso de Toro. E este mes temos sorpresa, porque é máis que probable que o autor comparta con nós sesión tertulia.
Temos tamén previsto, logo do éxito da saída a Panxón, celebrar en xuño, e como remate do curso, unha sesión de encontro co Club de lectura do IES García Barros da Estrada no que nos acompañará a escritora Marilar Aleixandre, para comentar a súa novela A cabeza de Medusa, gañadora dun Premio de Literatura xuvenil o pasado ano 2008.