Sanidade volve a poñerse en contacto coa escola e finalmente deciden extremar as precaucións na aula de 3 anos, xa que son nenos/as que non levan mascarilla durante a xornada e é inevitable o contacto entre eles en moitas ocasións. A recomendación consiste en cuarentenar esa aula durante 14 días a contar dende o día 23 de outubro (ata o 5 de novembro). O centro non ten autoridade para poñer en corentena, pero informámosvos desta decisión de Sanidade para que o teñades en conta en caso de que non se vos avise ao longo da tarde.

Informamos que nos acaban de confirmar un caso positivo de Covid na aula de 3 anos. Ante todo pedimos tranquilidade, xa que activados os protocolos, dende a Xefatura Territorial de Sanidade nos indican que é altamente probable que o contexto escolar quede fóra da zona de risco, polos días que pasaron dende a última asistencia ata a PCR positiva. Polo momento continuamos na escola con total normalidade, á espera de instrucións das autoridades, que vos iremos transmitindo.

Despois deste comezo de curso tan intenso e diferente, por fin dámosvos a benvida e compartimos convosco estes documentos informativos.

Para calquera dúbida, xa coñecedes as canles polas que podedes contactar connosco.

Compartimos o PLAN DE ADAPTACIÓN Á SITUACIÓN COVID-19 NO CURSO 2020/2021. Como vos dixemos nas reunións, é un documento moi importante que debedes ler con calma.

Para calquera dúbida, podedes empregar as canles que xa coñecedes (correo electrónico, Abalar, teléfono da escola).

Moitos meses sen vir á escola. Moitos cambios no espazo que coñeciamos...

Precisamos dun tempiño de adaptación, de acollida e acompañamento dende a calma.

Como vos comentamos nas reunións desta semana, é moi importante que todas as familias descarguen a aplicación AbalarMóbil para comunicacións co Centro.

Deixamos aquí o enlace cos links de descarga e as instrucións para calquera dúbida que poidades ter. Se precisades axuda, non dubidedes en contactar coa escola.

Aínda que xa estades todas informadas, lembrámosvos que a vindeira semana as reunións de nivel para informarvos do Plan de Adaptación á Situación Covid e outras cousiñas de titoría serán nas seguintes horas e días:

LUNS 8 DE SETEMBRO - 16:00 (AULA DE 4 ANOS - FORMIGUIÑAS)

MARTES 9 DE SETEMBRO - 16:00 (AULA DE 3 ANOS)

Achegamos a convocatoria das Becas e axudas para alumnado con necesidade específica de apoio educativo:

ENLACE PARA INFORMACIÓN E TRAMITAR A SOLICITUDE

Compartimos as últimas novidades publicadas pola Consellería de Educación nestas últimas horas.

Dende a escola, estamos traballando para adaptarnos á nova situación. Farémosvos chegar información ao respecto o antes posible.

Vémonos pronto!