Traballando na web do centro
Esquema de temas
-
-
Blogs en websdinámicas: Construcción e Configuración
A cooperación entre o profesorado e o alumnado é un elemento moi importante para a optimización dos procesos de aprendizaxe.É necesario buscar o intercambio bidireccional de información para lograr a súa implicación no proceso educativo.
Neste contexto cobran especial relevancia os Blogs de aula como escenarios idóneos para a interacción alumno-profesor-entorno familiar, converténdose así nunha extensión da propia aula que supera as fronteiras físicas e prolonga o seu traballo na rede.
Neste apartado explicaremos brevemente qué son e como funcionan os Blogs.
-
PARA ADMINISTRADORES: Cociñando os Blogs do centro
A colaboración e o bó entendemento entre os administradores da web do centro e os usuarios da mesma é imprescindible non só para o seu funcionamento senón para mantela "viva".
A labor do administrador é a de facilitar o traballo dos compañeiros, administrando e xestionando o sitio segundo as necesidades da comunidade que colabora na web.
Sen o esforzo do administrador os usuarios non poderían crear Blogs na web do centro, e sen o traballo dos autores dos blogs a web non disporía de espazos colaborativos e de enriquecemento cos alumnos, deixaría de ser unha páxina dinámica para convertirse nunha web "expositiva" ou estática.
Atopar o equilibrio entre as necesidades duns e a dispoñibilidade e o esforzo doutros non é doado, mais ben é un camiño de largo percorrido que deberiamos facer xuntos.
A clave do éxito está na ilusión e esforzo de tódolos participantes, fixarse obxectivos alcanzables, respectar o traballo alleo e ter clara a finalidade do noso traballo.
-
Blogs en websdinámicas: Edición e publicación de artigos
O que realmente diferencia a un blog dunha páxina non é o método para crear o contido senón a forma de traballar con él.
O tipo de contido artigo de blog é moi semellante a un tipo de contido páxina e o xeito de traballar con el é moi parecido ao xa explicado no curso de Drupal-Usuarios dispoñible na aula virtual aberto do proxecto websdinámicas http://www.edu.xunta.gal/centros/websdinamicas/aulavirtual/
Os artigos dos blogs empregan etiquetado libre en lugar das categorías estándar, diferencianse do resto da web pola súa singularidade, empregan marcadores sociais, admiten comentarios dos alumnos e están pensados como un ámbito informal no que profesor e alumnos poden interactuar e compartir os seus coñecementos e experiencias. -
Blogs en websdinámicas: Elementos multimedia
Os elementos multimedia están a adquirir grande importancia na Web debido á mellora técnica e á maior rapidez das conexións a internet.
No campo do ensino as súas posibilidades son ilimitadas.
Moitos docentes están agora a investigar no ámbito multimedia para dotar ás súas actividades docentes e aos seus blogs educativos de contido fundamentado en vídeos, audio e imaxes.
-
Blogs en websdinámicas: Participación do alumnado
Nos últimos tempos os blogs de aula estanse descubrindo como elementos motivadores que facilitan e promoven a participación e colaboración dos alumnos, que deixan de ser suxeitos pasivos e receptores de información para formar parte activa do proceso de aprendizaxe.
Pero é preciso comprender que non existen recetas que garantan o éxito senón camiños posibles que se abren ante os que desexan percorrelos.
-
Blogs en websdinámicas:
Gadgets, Widgets e Ferramentas Web 2.0
Os gadgets son pequenos obxectos feitos para ofertar un contido fresco e dinámico que pode ser colocado en calquera páxina web.Aqui temos unha pequena recopilación de ferramentas que podemos empregar no blog.
Todas elas son gratuítas, o único que precisamos e rexistrarnos nos servizos indicados e copiar o código para embeber no blog.
Son unha pequena mostra dos que hai dispoñibles. En Internet atoparemos gran cantidade de servizos semellantes.
Mais abaixo tes unha wiki onde podes colaborar incluíndo e recomendando as que ti coñeces ou as que atopes na rede.
-
Blogs en websdinámicas:
Bloques, creación e configuración.
Unha das características que mais distinguen a un blogue é a posibilidade de incluir nunha columna lateral ferramentas adicionais que ao seu autor lle parezan interantes, como enlaces a outros blogs, presentacións, podcast, calendarios, gadgets etc.
Botade a voar a imaxinación porque nun bloque podedes embeber calquera código html que vos pareza intersante.
-
Anexo: Enlaces interesantes
Aqui temos unha pequea relación de webs adicadas a distribución e elaboración de contidos dixitais para aula.
Bota unha ollada para saber o que están a facer noutros sitios.
Tamén podes descargar actividades educativas para facer na clase ou para colgar no Blog da aula.