Skip to Content

Actividades

Vídeo resumo da conmemoración do Día da Paz

Mar, 14/02/2017 - 14:23 — ivan

Facendo clic na seguinte imaxe accederedes ao resumo das actividades que realizou o alumnado de Educación Infantil e Educación Primaria para conmemorar o Día da Paz.

Día do Peón 2016

Lun, 14/11/2016 - 11:03 — edprimaria

O pasado venres 11 de novembro, seguindo a convocatoria de Brinquedia Rede Galega do Xogo Tradicional (entidade da que este centro é socia) celebramos o Día do Peón coa asistencia de alumnado de Educación Infantil, Educación Primaria e 1º e 2º cursos da ESO.

Como resumo desta actividade elaboramos un vídeo, o cal podedes ver facendo clic na seguinte imaxe:

Imaxe de biblioip

MERENDAS TERRORÍFICAS

Xov, 27/10/2016 - 20:44 — biblioip

Neste Samaín moito medo pasei...

Pero sabedes que para non ter medo ás bruxas, aos vampiros, aos monstros, aos fantasmas, ás momias, aos demos e ás demais criaturas terroríficas, hai que comer moito e alimentos sans.

Por iso nesta semana as nosas merendas nos serviron para coller moita forza e a ter un pouquichiiño de menos medo.

Premendo na imaxe podedes ver as nosas merendas terroríficas.

 

 

X ENCONTRO ESCOLAR DE XOGOS TRADICIONAIS

Sáb, 07/05/2016 - 11:29 — ivan

O sábado 4 de xuño, organizado por Brinquedia Rede Galega do Xogo Tradicional (entidade da que é socio o noso centro), terá lugar esta actividade en Muimenta (Cospeito-Lugo) en xornada de mañá e tarde.

Podedes atopar máis información de en que consiste facendo clic na seguinte imaxe:

E para todas aquelas persoas interesadas en asistir, pregamos cubran o seguinte formulario de inscrición (de ser posible antes do mércores 11 de maio):

DÍA DA CIENCIA 2016 INFANTIL E PRIMARIA

Sáb, 07/05/2016 - 11:19 — ivan

O pasado xoves o noso centro celebrou o Día da Ciencia. Nesta actividade, o alumnado de tódolos cursos preparou diferentes experiencias científicas para amosarlle ao resto de compañeiros/as do cole.

Facendo clic na seguinte imaxe accederedes a un vídeo-resumo:

CONMEMORACIÓN DO DÍA DO LIBRO 2016

Lun, 02/05/2016 - 21:37 — edprimaria

O venres 22 de abril o alumnado de infantil e primaria celebrou o Día do Libro. Como este ano se conmemora o catrocentos aniversario da morte de Miguel de Cervantes, decidimos organizar diversas actividades para lembrar a súa vida e a súa obra.

Nos corredores do colexio apareceron as imaxes dos principais personaxes de "El Quijote". Tamén se traballou nas aulas mediante a realización dun xogo de pistas.

Ao longo da mañá os alumnos e alumnas de primeiro a sexto baixaron á Casa da Cultura para participar no Maratón de Lectura, lendo diferentes adaptacións do "Quijote", o alumnado de 1º da ESO participou no Maratón coa lectura do autor Manuel María.

 

Durante a "Hora de ler" realizamos a actividade dos "PADRIÑOS E MADRIÑAS LECTORES". Os alumnos e alumnas dos cursos superiores len un conto aos seus afillados e afilladas. Unha mañá distinta, na que todos os currunchos do patio se transforman nun emocionante lugar de lectura. Premendo na seguinte imaxe podedes ver un resumo desta actividade.

 

ACTIVIDADES DO DÍA DA PAZ EN EDUCACIÓN INFANTIL E PRIMARIA - CURSO 2015-2016

Lun, 28/03/2016 - 17:01 — edprimaria

ESTA ENTRADA FOI ELIMINADA POR ERROR. 

VOLVEMOS A PUBLICALA CUNHA DATA POSTERIOR Á REALIZACIÓN DAS ACTIVIDADES.

O 30 de xaneiro conmemoramos o Día Escolar da Non Violencia e da Paz. O alumnado de Infantil e Primaria bailamos todos xuntos a canción de Magín Blanco "Rumba das apertas". Se queredes ver o noso baile, premede no seguinte enlace:

 Para reflexionar sobre a problemática dos refuxiados, algúns alumnos e alumnas de quinto e sexto deron lectura a uns textos sacados do libro "Un día tuvimos que huir" e da páxina web de ACNUR, mentres se proxectaban as imaxes feitas por nenos e nenas refuxiados no campo de Kakuma (Kenia). Aquí podedes ver a presentación: 

Por último, puidemos ver a presentación que fixeron os nosos profes coas APERTAS POLA PAZ que nos dimos entre nós.

 

Outro programa de Radio Sansa

Ven, 18/03/2016 - 00:46 — depep

Xa temos un novo programa de Radio Sansa nas ondas ou nos díxitos.... Non sen certos atrancos polo tempo e as condicións meteotecnolóxicas. Pero estamos de novo no ar. Programa variado con entrevistas e unha escolma de boa música feita polo alumado. Robótica, excursións, celebración do día paz, viaxe de fin de curso... e algunhas cousas máis... Sempre emitindo temas baixo Creative Commons, dende a comunidade escolar para o mundo (mundial).

Esperamos que sexa do voso agrado e vos animedes a participar...

 

Actividades do Día da Muller

Mar, 08/03/2016 - 20:43 — edprimaria

Hoxe, alumnado de 3º e 4º curso de Educación Primaria acudiu a unha actividade no Auditorio da Casa da Cultura, organizada polo Concello co gallo da celebración do Día da Muller.

Alí, escoitaron e leron textos relacionados coa temática.

 

Podedes atopar máis información do evento na páxina web do Concello, e máis imáxenes no seu Facebook.

Gala da "Olimpiada del Saber"

Lun, 07/03/2016 - 22:16 — edprimaria

Na mañá de hoxe celebramos esta gala, na que se desvelaron as 10 primeiras posicións desta interesante actividade.

Todos os participantes recibiron coma agasallo unha medalla. Os dez primeiros equipos, o seu "diploma olímpico", e os tres primeiros uns cheque-agasallo para a adquisición de material deportivo, informático ou de papelería.

Se queres ver o vídeo resumo da gala, fai clic na seguinte imaxe:

Distribuir contido


by Dr. Radut