Segundo se contempla nas intrucións e lexislación vixente sobre o desenvolvemento do proceso de admisión para o curso académico 2024-2025:
O alumnado que pretenda continuar estudos nun centro de adscrición, para os efectos de reserva de praza neste, deberá presentar no centro de orixe ou a través da aplicación “admisionalumnado” (https:/ /www.edu.xunta.es/admisionalumnado) o modelo normalizado que se publica como Anexo I (formulario normalizado ED550A- completable).
No caso de cumprimentar a reserva de praza a través da aplicación “admisionalumnado”, poderán imprimir a solicitude para entregar posteriormente na Secretaría deste centro ou formalizar a mesma na Sede Electrónica con certificado dixital ou Chave 365 (https:/ /sede.xunta.gal/portada) e neste caso xa non é preciso entregar a solicitude na Secretaría do centro.
Aquelas familias de alumnado de 4º ESO que desexen efectuar a reserva de praza para o vindeiro curso no IES Fernando Esquío (Neda) deberán realizar esa reserva de praza no prazo comprendido entre o 15 de xaneiro e o 2 de febreiro.
A reserva adquirirá carácter vinculante e será incompatible coa presentación de solicitude de admisión noutro centro, salvo renuncia expresa e por escrito presentada no centro de adscrición coa data límite do día 28 de febreiro de 2024.
| Adxunto | Tamaño |
|---|---|
| ED550A-G.pdf | 1.23 MB |
