Extraescolares, Celebracións no Centro

O alumnado de 1º, 2º e 3º de E. Primaria visitou a aldea de Lodoselo o pasado 15 de xuño, como remate de curso, onde aprenderon a facer pan, papel reciclado, alimentaron os animais, plantaron unha árbore nos cartóns de leite que decoraron na aula, para logo plantar no monte e coidar, logo deron un paseo en burro pola aldea e remataron cun tempode lecer no parque. Foi un gran día de aprendizaxes e lecer que queda reflectido no seguinte vídeo:

Alumnado de 1º, 2º e 3º de E. Primaria foron de excursión á aldea de lodoselo 15-xuño-2022 de Entre estrellas que iluminan

E por último o alumnado de 5º de E. Primaria decidiu rematar o curso cunha viaxe no tempo pola vila de Ribadavia, onde visitaron o castelo, o barrio xudeo e o museo, rematando con merenda e tempo de lecer na Alameda. Foi un gran día de novos coñecementos e tempo de diversión. A continuación o correspondente resumo:

SAÍDA A RIBADAVIA de Entre estrellas que iluminan

A continuación un resumo da Festa de Graduación de E. Infantil e Primaria, que se celebrou o venres.

Festa Graduación Infantil e Primaria 2022 de Entre estrellas que iluminan

Hoxe foi un día de actividades fóra do Centro para o alumnado de 6º de E. Primaria, 1º e 2º da ESO.

Mentres os de 1º da ESO visitaron o Castro de San Cibrán de Las para aprender sobre a cultura castrexa dende o seu museo e a través do Obradoiro "Nun chisco un misto", no que aprenderon a facer lume coma na Prehistoria.

A continuación unha mostra:

VISITA AO CASTRO DE SAN CIBRÁN DE LAS POLO ALUMNADO DE 1º DA ESO de Entre estrellas que iluminan

O alumnado de 6º de E.Primaria e 2º da ESO participaron na actividade, ofertada polo Concello dende o seu Programa Educativo, Bautismo Naútico en Castrelo de Miño coa fin de  fomentar actividades lúdico-didácticas na natureza, ao aire libre, aproveitando os recursos da nosa provincia, así como inculcar o respecto aos demais, o traballo en equipo, valorar o noso patrimonio etnográfico, cultural e natural e a necesidade de conservar o medio ambiente.

A continuación unha mostra desta actividade:

BAUTISMO NAÚTICO EN CASTRELO DE MIÑO PARA ALUMNADO DE 6º E. PRIMARIA E 2º DA ESO de Entre estrellas que iluminan

O venres durante a segunda, terceira e cuarta sesión o alumnado do centro cantou coplas á ritmo de pandeireta, gaita e bombo ao maio, realizado por un grupo do alumnado da ESO, dirixidos polos profesores dos departamentos de galego e plástica a semana pasada, nunha actividade de convivencia entre todas as etapas educativas do centro.

O alumnado da ESO, xunto co profesor de Galego, Xulio, dirixiron a actividade, á que se foron sumando cada 15 minutos un curso de Infantil e Primaria, cantando, danzando e aturuxando, co ritmo da música arredor do maio, rememorando as antigas tradicións.

O alumnado canta coplas ao noso maio no horto de Entre estrellas que iluminan

O venres 8 de abril, antes de marchar de vacacións, o alumnado de E. Infantil, Primaria e as dúas aulas específicas, levaron a cabo unha plantación de árbores seleccionadas polo profesor Bouzo e coordinador do programa Voz Natura. 

Ademais, a través dunha actividade colaborativa entre departamentos e alumnado (profesor Bouzo, de francés, aportou ideas, profesor Poldras, de plástica, diseñou e debuxou e a alumna Carlota escribiu o texto explicativo) crearon unha ficha para entregar a cada membro do profesorado titor de cada aula, que participou, para completar a actividade.

A continuación unha reportaxe desta actividade, que a pesares dos momentos de choiva todos disfrutaron.

Grazas por esta contribución á mellora da nosa contorna, agora toca coidalas.

Plantación árbores-Programa Voz Natura de Entre estrellas que iluminan