Este curso a Xornada de portas abertas non se realizará de forma presencial, pero dalgunha forma queríamos dar a coñecer a todas as familias que estades a piques de escolarizar as vosas fillas e fillos, como é un día na nosa escola.
Neste vídeo intentamos recoller todas as dúbidas que soen consultar as familias nas Xornadas de portas abertas.
Para mais información, quedamos a vosa disposición a través do correo electrónico do centro: ceip.zalaeta@edu.xunta.gal, e do número de teléfono do centro: 981-21-17-47
INFORMACIÓN RELATIVA AO PROCESO DE ADMISIÓN NOS CENTROS SOSTIDOS CON FONDOS PÚBLICOS PARA O CURSO 2021/2022 DO ALUMNADO DE 6º DE EDUCACIÓN PRIMARIA
Seguindo a Orde do 18 de decembro de 2020 que modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que imparten ensinanzas de 2º ciclo de educación infantil, educación primaria, educación secundaria obrigatoria e de bacharelato reguladas na Lei Orgánica 2/2006, do 3 de maio, de educación (código de procedemento ED550A e ED550B) informamos:
O proceso de admisión que da comezo no día de hoxe é para a realización de solicitude nos centros adscritos a cada CEIP. No noso caso o centro adscrito é o IES Ramón Menéndez Pidal- Zalaeta.
Todas as familias interesadas en realizar o proceso de solicitude de praza no IES Ramón Menéndez Pidal poderán realízalo a partires de hoxe 11 de xaneiro e ata o 8 de febreiro.
A solicitude poderá presentarse de acordo con algunha das opcións existentes no seguinte enlace:
No caso de elixir a opción de entrega no centro de orixe, poden facela na secretaría do noso centro (solicitando cita previa por correo electrónico á dirección do centro: ceip.zalaeta@edu.xunta.gal)
Se queren unha copia do formulario normalizado poden solicitala chamando ao número de teléfono do centro: 981-21-17-47 e se fará entrega do mesmo á alumna/o.