Skip to Content

LETRAS GALEGAS 2022

 

 

Recibimos no centro a visita de Anxo Moure, encantóunos a súa posta en escena: 

 

 

FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR

 

 

 

Segundo a Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/2023. 

Premen no libro para acceder á Orde:

 

 

 

 

DESTINATARIOS:

  

  - Para o fondo solidario de libros de texto:

  • Alumnado matriculado en 3º, 4º de educación primaria.   

O alumnado matriculado en centros incluídos no proxecto educación dixital (E-DIXGAL), como é o caso do noso centro nos cursos de 5º e 6º de educación primaria, está excluído da participación do fondo solidario dos libros de texto.

  - Para as axudas de adquisición de libros de texto:

  •  Alumnado matriculado en 1º, 2º de educación primaria e en educación especial; así como as axudas que pode recibir o alumnado incluído na disposición adicional 1º (discapacidade maior ou igual 65%) e na disposición adicional 2º (necesidades específicas de apoio educativo – NEAE).

     

     -  Para as axudas de adquisición de material escolar:

 

  • Todo o alumnado de educación primaria.

 

DOCUMENTACIÓN:

 

O formulario que deben de cubrir son os ANEXOS I (solicitude) e II (autorización dos membros da unidade familiar agás o solicitante), que encontrarán premen neste enlace:

ANEXO I

ANEXO II

Ou a través da aplicación:

https://www.edu.xunta.gal/fondolibros/

Estes documentos é preciso que vaian acompañados da seguinte documentación complementaria: 

  • Copia do libro de familia na que figuren todos os membros da unidade familiar. En caso de separación ou divorcio, deberán achegar ademais a sentenza xudicial e/ou convenio regulador onde conste a atribución da custodia do/da menor.

  • Certificado, no caso de discapacidade, dalgún membro da unidade familiar incluídos na solicitude.  

  • Documentación xustificativa da situación de violencia de xénero. 

  • Resolución xudicial por incapacitación con patria potestade. 

  • Resolución administrativa ou xudicial acreditativa da situación de acollemento ou certificado do centro de menores

  •  Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE.

 

Tal e como índica a convocatoria: 

A solicitude deberá estar asinada polo pai, pola nai, polo/a titor/a ou representante legal do alumnado, e a súa presentación implicará que acepta as bases da convocatoria, cumpre os requisitos exixidos nela e que son certos os datos indicados na solicitude; así́ mesmo, que se compromete a conservar en bo estado e a devolver ao finalizar o curso os libros de texto e o material reutilizable recibidos do fondo solidario ou adquiridos coa axuda para libros de texto. 

FORMA DE PRESENTACIÓN

 Unha vez cubertos os anexos, poden presentalos a través de: 

 

 

  •  Sede electrónica da Xunta:

Sede electrónica

  

PRAZO DE PRESENTACIÓN

 Dende o día 19 de maio ata o 22 de xuño de 2022 (ambos inclusive)

 -------------------------------------------------------------------------------------------------------------------

 OUTROS PRAZOS: 

 DEVOLUCIÓN DOS LIBROS DE TEXTO NOS CURSOS DE 3º E 4º DO PRESENTE CURSO ESCOLAR:

  •  As datas serán: 16, 17 e 20 de xuño de 2022.

 PUBLICACIÓN DAS LISTAXES PROVISIONAIS:

  •  Antes do 11/07/2022
  •  A reclamación ás listaxes provisionais poderase realizar 2 días seguintes á publicación.

  PUBLICACIÓN DAS LISTAXES DEFINITIVAS:

  •    Antes do 22/07/2022

 

 

  ENTREGA DOS LIBROS DO CURSO 2022/2023 AO ALUMNADO DE 3º E 4º DE EDUCACIÓN PRIMARIA:

 

  •  A partir do 1 de setembro de 2022. Comunicarase a través da páxina web do centro e vía “Abalarmóbil”

 

IMPORTANTE 

 

O vale de axudas é nominal polo que deberá de recollelo a persoa solicitante. 

 

O equipo directivo.

PUBLICACIÓN DAS LISTAXES DEFINITIVAS DE ALUMNADO ADMITIDO NO CENTRO PARA O CURSO 2022/2023

 

Dende hoxe 12 de maio é posible consultar as listaxes definitivas de admitidos e non admitidos para o vindeiro curso escolar. Para poder acceder á consulta de dita información, seguindo a lexislación vixente, poden facelo: 

  • Presencialmente: No taboleiro de anuncios situado no interior do edificio escolar. O horario será: todos os días de 9:15 a 9:50 e de 12:45 a 13.30 horas. Non é preciso solicitar cita previa. 
  • Telemáticamente: A través da aplicación "admisionalumnado" empregando a Chave365 ou certificado dixital. Premendo neste enlace:

https://www.edu.xunta.es/admisionalumnado/

  • Vía telefónica: Seguindo a LOPD, poden chamar á secretaría do centro e acreditándose como nai/pai, titor/a legal da alumna ou alumno solicitante da praza, daráselles a información. O horario no que poden chamarnos será os martes de 13.10 a 14.00 e os xoves de 12.20 a 13.10 horas. 

 

O prazo de formalización de matrícula será do 20 ao 30 de xuño, ambos inclusive. Informaremos, a través da páxina web, do horario de atención na secretaría do centro para a realización de dito tramite.

 

O equipo directivo. 

PEQUESCALADA

Que ben o pasamos no rocódromo!

 

 

O Atlántico parte de ti

Fantástica actividade organizada polas Concellerías de Deportes e de Educación , "O Atlántico parte de ti". Un programa pensado para achegar o mundo da vela ás mozas e aos mozos de 5º e 6º de primaria.

 

Nesta ocasión foi 5ºB:

 

Publicación das listares provisionais de alumnado admitido e non admitido para o vindeiro curso escolar

 

Seguindo a lexislación vixente, as familias podedes consultar a información:

 

  • Presencialmente: No taboleiro de anuncios situado no interior do edificio escolar. O horario será: todos os días de 9:15-9:50 e de 12:45 a 13:30 horas. Non é preciso solicitar cita previa. 
  • Telemáticamente: A través da aplicación admisionalumnado empregando a Chave365 ou certificado dixital. 

https://www.edu.xunta.gal/admisionalumnado/

  • Vía telefónica: Seguindo a LOPD, poden chamar á secretaría do centro e acreditándose como nai/pai, titor legal da alumna ou alumno solicitante da praza, daráselles a información. O horario será os martes de 13.10 a 14:00 e os xoves de 12.20 a 13.10 horas. 

 

 

 

DÍA INTERNACIONAL DO LIBRO: 23 DE ABRIL

Coñecedes o conto de: "BO CAMIÑO VALENTIÑO"? 

 

   

 

O alumnado de 5ºA e 5ºB describe: Que é para nós un libro?

 


Iluminando Zalaeta

 

Aviso para navegantes! O noso colexio dá a benvida a unha fermosa ilustración obra de Iria Fafián.  Esta, toma como base a iconografía mariña que forma parte da identidade do noso centro. A idea estaba clara, queríamos unha estrutura protagonista no noso patio coa que nos identificásemos, que invitase á serenidade, á reflexión, á aventura e a unha das cousas máis importantes na etapa escolar, a creación de soños.

 

Enmarcado dentro do proxecto "Dinamizando o noso patio" no que centro e ANPA traballamos en conxunto, non podemos esquecer agradecer ao Concello da Coruña a súa axuda, colaboración e participación nesta fase do proxecto. Grazas por axudarnos a facelo real!

Tamén queremos dar o noso agradecemento á Inspección Educativa que confiou no noso proxecto dende o principio.

 

Iluminando Zalaeta

 

Un rocódromo moi salgado!

 

Enmarcado dentro do proxecto: "Dinamizando o noso patio" que deu comezo o pasado curso escolar, e no que traballamos en conxunto centro e ANPA; damos a benvida a unha nova proposta de xogo no noso patio: un rocódromo moi salgado!

 

 

 

 

 

 

 

Distribuir contido


by Dr. Radut